Nəqliyyat Nazirliyi: Çexiya Azərbaycanla ictimai nəqliyyat sahəsində əməkdaşlıq üçün potensial görür
Çexiya və Azərbaycan ictimai nəqliyyat sahəsində təcrübə mübadiləsi üçün əhəmiyyətli potensial görürlər.
"Report" Çexiya Nəqliyyat Nazirliyinə istinadən xəbər verir ki, bu həftə nazirliyin nümayəndə heyəti Bakıda nəqliyyat infrastrukturunun inkişafı, ağıllı mobillik və rəqəmsal əməkdaşlığa həsr olunmuş danışıqlar aparıb.
Səfərin məqsədi Azərbaycanla nəqliyyat və mobillik üçün intellektual həllər və rəqəmsal texnologiyalar sahəsində tərəfdaşlığın dərinləşdirilməsi olub.
Rəqəmsal İnkişaf və Nəqliyyat Nazirliyində keçirilən görüşlər zamanı Çexiya tərəfinin Azərbaycanda fəaliyyət göstərən milli qurumların və şirkətlərin fəaliyyətinə dəyişməz dəstəyi təsdiqlənib.
"Ölkə rəqəmsallaşmaya xüsusi diqqət yetirməklə, nəqliyyat infrastrukturu və hərəkət heyətinin sürətli inkişafı və modernləşdirilməsi mərhələsini keçir. Bu tendensiyalar öz təcrübəsini, texnologiyalarını və innovativ həllərini təklif etməyə qadir olan Çexiya şirkətləri üçün konkret və perspektivli imkanlar açır", - məlumatda qeyd olunub.
İşgüzar əməkdaşlıqla yanaşı, tərəflər müvafiq nazirliklər arasında institusional qarşılıqlı əlaqələrin daha da gücləndirilməsini müzakirə ediblər. Xüsusi diqqət ictimai nəqliyyat sistemləri, ağıllı mobillik üçün həllər və nəqliyyat xidmətlərinin rəqəmsal transformasiyası sahəsində nou-hau və qabaqcıl təcrübə mübadiləsinə yönəldilib.
Danışıqların ayrı bir hissəsi İqtisadi Əməkdaşlıq və İnkişaf Təşkilatı yanında Beynəlxalq Nəqliyyat Forumunun (BNF) gündəliyinə həsr olunub. Çexiyanın bu yaz BNF-ə sədrliyi Azərbaycandan təhvil alacağı nəzərə alınaraq, tərəflər beynəlxalq səviyyədə nəqliyyat sahəsində aktual çağırışlara effektiv cavab vermək üçün sıx koordinasiya və fikir mübadiləsinin vacibliyini vurğulayıblar.
Oxşar xəbərlər
Vətən müharibəsində Qələbənin beşinci ildönümünə həsr olunmuş Hərbi parad keçirilib
Heydər Əliyev Fondunun dəstəyi ilə alınan musiqi alətlərinin təqdimatı olub
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Əraqçi: İran zənginləşdirilmiş uranı ölkədən çıxarmaq niyyətində deyil
-
ABŞ İranın 4 vətəndaşını sanksiya siyahısına salıb
-
Tramp Nvidia-nın keçmiş rəhbəri Censen Huanqa ikinci şans verməyə çağırıb
-
Ukraynanın Krivoy Roq şəhərinə raket hücumu nəticəsində 2 nəfər ölüb, 42 nəfər yaralanıb
-
Los-Anceles yaxınlığında 4,2 maqnitudalı zəlzələ olub
-
Peruda güclü zəlzələ olub













