Ötən günə olan məlumata görə, Bakıda keçiriləcək davamlı şəhərsalma üzrə BMT-nin qlobal konfransı olan WUF13-də iştirak üçün 166 ölkədən 13 000-dən çox insan qeydiyyatdan keçib.

Bu barədə BMT-nin Məskunlaşma Proqramının ("UN-Habitat") Kommunikasiya şöbəsinin rəhbəri Katerina Bezqaçina regional KİV üçün WUF13-ə həsr olunmuş onlayn brifinqdə "Report"un sualını cavablandırarkən bildirib.

Onun sözlərinə görə, foruma qeydiyyat davam edir.

"Biz hələ də iştirak üçün müraciətləri qəbul edirik. Ötən günə olan məlumata görə, 166 ölkədən 13 000-dən çox qeydiyyat daxil olub. Təbii ki, bu rəqəm hər gün artır və biz iştirakçıların sayının daha da artacağını və təmsilçilik coğrafiyasının genişlənəcəyini gözləyirik", - K.Bezqaçina vurğulayıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev BMT-nin Məskunlaşma Proqramının icraçı direktorunu qəbul edib

WUF13 ərəfəsində Azərbaycan UN-Habitat ilə saziş imzalayıb - YENİLƏNİB

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

WUF13-ün təşkili ilə əlaqədar yaradılmış Təşkilat Komitəsinin növbəti iclası keçirilib