Böyük Britaniya kralı Çarlzın qardaşı Endryu Mauntbatten-Vindzor amerikalı maliyyəçi Ceffri Epşteynlə əlaqələri ətrafında yaranmış qalmaqal fonunda Britaniya polisi tərəfindən saxlanılıb.

BAKU.WS xəbər verir ki, bu barədə Böyük Britaniyanın "Daily Mail" tabloidi məlumat yayıb.

Məlumata görə, sabiq şahzadə dövlət xidmətində qeyri-münasib davranışda şübhəli bilinərək saxlanılıb.

Bundan əvvəl "The Independent" qəzeti Britaniya polisinin Endryunun Epşteynlə əlaqələri barədə yeni məlumatların araşdırılması məsələsini prokurorluqla müzakirə etdiyini yazmışdı.

Jurnalistlərin məlumatına əsasən, sabiq şahzadə Endryu Epşteynə gizli şəkildə Birləşmiş Krallığa aid hökumət sənədlərini ötürmüş ola bilər. Hazırda hüquq-mühafizə orqanları onun hər hansı cinayət əməli törədib-törətmədiyini və genişmiqyaslı istintaqa ehtiyac olub-olmadığını müəyyənləşdirməyə çalışır.

Yanvarın 30-da "United States Department of Justice" Epşteyn işi üzrə yeni sənədlər paketini açıqlayıb. Fayllarda Böyük Britaniya kralının kiçik qardaşına bənzəyən şəxsin fotoları yer alıb. Mətbuatın yazdığına görə, görüntülərdə həmin şəxs yerdə uzanan qadının yanında diz üstə dayanmış vəziyyətdə təsvir olunub. BBC isə fotodakı interyerin Epşteynin Nyu-Yorkdakı malikanəsinin interyeri ilə üst-üstə düşdüyünü iddia edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Britaniya kralının qardaşı Epşteyn işi üzrə saxlanılıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib