WhatsApp-da qrup çatlarının idarə olunması imkanlarını genişləndirən yeni funksiya istifadəyə verilib.

Far.Az xəbər verir ki, yeniliyin tətbiqi barədə xidmətin rəsmi saytında məlumat yayılıb.

Artıq administratorlar və qrup üzvləri yeni qoşulan istifadəçilərə çatdakı son mesajları göndərə biləcəklər ki, onlar aktual mövzulara daha tez qoşula bilsinlər. Bu funksiya ən çox tələb olunan yeniliklərdən biri olub və artıq müxtəlif platformalarda əlçatandır.

Yeni iştirakçı əlavə edilərkən ona son 100 mesajadək göndərmək mümkündür. Bu, ekran görüntüləri çəkməyə və ya yazışmaları əl ilə ötürməyə ehtiyacı aradan qaldırır. Yeni istifadəçilər yalnız seçilmiş son mesajlara çıxış əldə edirlər, digər iştirakçılar isə hansı mesajların paylaşıldığını görə bilirlər.

Şirkətin vurğuladığına görə, mesaj tarixçəsi şəxsi yazışmalar kimi başdan-başa şifrələmə ilə qorunur. Şəffaflıq üçün tarixçə göndərildikdə qrupun bütün üzvlərinə göndərənin adı və paylaşım vaxtı göstərilməklə bildiriş gəlir. Ötürülən mesajlar vizual olaraq adi mesajlardan fərqlənir.

Administratorlar bu ayarı öz qrupları üçün söndürə bilərlər, lakin istənilən halda yazışma tarixçəsini özləri paylaşmaq imkanı qalır.

"WhatsApp" bildirir ki, yeni funksiya artıq mərhələli şəkildə tətbiq olunmağa başlayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ