Tramp "60 Minutes" proqramını İranın zərbələrinə dair məlumatları təhrif etməkdə ittiham edib
Far.Az xəbər saytı

Tramp "60 Minutes" proqramını İranın zərbələrinə dair məlumatları təhrif etməkdə ittiham edib


ABŞ Prezidenti Donald Tramp "60 Minutes" proqramını İranın zərbələrinin dəf edilməsi zamanı ABŞ-nin hava hücumundan müdafiə sisteminin effektivliyini düzgün işıqlandırmamaqda ittiham edib.

"Report" xəbər verir ki, o, bu barədə "Truth Social" şəbəkəsində yazıb.

Trampın sözlərinə görə, 2026-cı il fevralın 28-də "Epic Fury" hərbi əməliyyatı başlayandan bəri İran 8-9 min birdəfəlik zərbə pilotsuz uçuş aparatı buraxıb, lakin dronlardan yalnız ikisi hədəfə çataraq amerikalıların ölümünə səbəb olub. Hər iki hadisə əməliyyatın ilk günündə - Küveytdə və Səudiyyə Ərəbistanında baş verib.

Tramp bildirib ki, İran raketlərinin və pilotsuz uçuş aparatlarının 99,99 %-i vurulub və ya amerikalıların ölümünə səbəb olmayıb. Onun sözlərinə görə, "60 Minutes"in reportajında bu məlumatlar öz əksini tapmayıb.

Qeyd edək ki, "60 Minutes" CBS telekanalının 1968-ci ildən yayımlanan həftəlik informasiya-analitik televiziya proqramıdır.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR
ABŞ Prezidenti Donald Trampın təşəbbüsü ilə yaradılan Sülh Şurası təsis edilib
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

Ən son xəbərləri bizim

"Facebook" səhifəmizdə izləyin

Digər xəbərlər