Romada Xocalı soyqırımının ildönümü ilə əlaqədar tədbir keçirilib
Far.Az xəbər saytı

Romada Xocalı soyqırımının ildönümü ilə əlaqədar tədbir keçirilib


İtaliyanın paytaxtı Roma şəhərində Xocalı soyqırımının ildönümü ilə əlaqədar tədbir keçirilib.

"Report" xəbər verir ki, bu barədə Azərbaycanın İtaliyadakı səfirliyi "X"də məlumat yayıb.

Azərbaycanın Müqəddəs Taxt-Tac və İtaliyadakı səfirliklərinin, habelə Romadakı Mədəniyyət Mərkəzinin birgə təşkilatçılığı ilə Romanın "Chiesa Parrocchiale di San Giuseppe a Via Nomentana" kilsəsində keçirilən tədbirdə diplomatik korpusların və yerli ictimaiyyət nümayəndələri, eləcə də İtaliya paytaxtında yaşayan azərbaycanlılar iştirak ediblər.

Soyqırımı qurbanlarının xatirəsi bir dəqiqəlik sükutla yad ediləndən sonra Xocalı faciəsi barədə məlumat verilib.

2008-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə "Xocalıya Ədalət" beynəlxalq kampaniyası çərçivəsində Xocalı haqqında həqiqətlərin beynəlxalq ictimaiyyətin diqqətinə daha geniış formada çatdırıldığı vurğulanıb.

Tədbirin bədii hissəsində İtaliyanın "UniMarconi" xoru və "Costantina" musiqi kapellasının xor kollektivi və orkestri tərəfindən dünya bəstəkarlarının klassik əsərləri, o cümlədən Azərbaycanın dahi bəstəkarı Qara Qarayevin "Matəm Odası" ifa olunub.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub
Leyla Əliyeva və Alyona Əliyeva mükafatlandırma mərasimində iştirak ediblər
Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib
Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib
Heydər Əliyev Fondunun dəstəyi ilə alınan musiqi alətlərinin təqdimatı olub

Ən son xəbərləri bizim

"Facebook" səhifəmizdə izləyin

Digər xəbərlər