Rusiya federal büdcəsinin neft-qaz üzrə gəlirləri yanvar-fevral aylarında 47 % azalıb
Far.Az xəbər saytı

Rusiya federal büdcəsinin neft-qaz üzrə gəlirləri yanvar-fevral aylarında 47 % azalıb


Rusiya federal büdcəsinin 2026-cı ilin yanvar-fevral ayları üzrə neft-qaz gəlirləri ötən ilin müvafiq dövrü ilə müqayisədə 47,1 % azalaraq 826 milyard rubl təşkil edib.

"Report"un Rusiya KİV-lərinə istinadən məlumatına görə, bu, Rusiya Maliyyə Nazirliyinin ilkin hesablamalarından məlum olub.

Nazirlikdən bildirilib ki, neft-qaz gəlirləri bu ilin yanvar-fevral ayları üçün nəzərdə tutulan baza proqnozundan aşağı olub. "Büdcə qaydaları"na əsasən, Milli Rifah Fondunun vəsaitləri daxilolmalardakı çatışmazlıq həcmində büdcə kəsirinin maliyyələşdirilməsinə yönəldilib. Rusiya Maliyyə Nazirliyi büdcə daxilolmalarının azalmasını neft qiymətlərinin düşməsi ilə əlaqələndirib.

Hesabatda həmçinin qeyd olunub ki, federal büdcənin qeyri-neft-qaz gəlirləri ötən illə müqayisədə 4,1 %, xərclərin həcmi isə 5,8 % artıb. Hesabat dövründə büdcə 3 449 milyard rubl kəsirlə qapanıb ki, bu da ötən ilin göstəricisindən 1 032 milyard rubl çoxdur.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub
Nazirlikdən "Baku Electronics" MMC-yə məxsus mağazada YOXLAMA
Milli Məclis 2026-cı ilin dövlət büdcəsini təsdiqlədi
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ən son xəbərləri bizim

"Facebook" səhifəmizdə izləyin

Digər xəbərlər