İranın Minab şəhərindəki məktəb binasına ABŞ-yə aid iki "Tomahawk" raketi atılıb.

Far.Az "Lenta.ru"ya istinadən xəbər verir ki, bu barədə İran Xarici İşlər Nazirliyinin sözçüsü İsmayıl Bəqai bildirib.

Onun sözlərinə görə, Minabda məktəb binasına atılan sursat növünün ABŞ-yə aid iki "Tomahawk" raketi olduğu müəyyən edilib.

İsmayıl Bəqai bu barədə "Corriere della Sera" qəzetinə verdiyi müsahibədə bildirib.

"Onlar iki "Tomahawk" raketindən istifadə ediblər. Yeganə məqsəd itkilərin maksimum sayını çoxaltmaq olub" - deyə Bəqai qeyd edib.

İran XİN sözçüsü onu da bildirib ki, ABŞ məktəblərə, xəstəxanalara və digər müəssisələrə hücumları onların hərbi bazaların yaxınlığında yerləşdiyini iddia etməklə əsaslandırır.

Xatırladaq ki, İran rəsmi mənbələrdə Minab şəhərindəki Şəcərət əl-Tayyibə Qızlar İbtidai Məktəbinin binasına atılan raket zamanı 168 şagirdin öldüyünü bildirib.

Həlak olan şagirdlər martın 3-də dəfn olunub.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İran XİN: Məktəbə endirilən zərbədə 160-dək şəxs ölüb - YENİLƏNİB-6

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib