Bu ilin yanvar-fevral aylarında Azərbaycanda məcburi dövlət sosial sığorta haqları üzrə daxilolmalarda proqnoza nisbətdə 23,8 milyon manat və yaxud 2,4 % artım qeydə alınıb.

"Far.Az" bu barədə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna (DSMF) istinadən xəbər verir.

Xatırladaq ki, 2 ay ərzində Azərbaycanda muzdlu işçi sayının və əməkhaqqı fondunun "ağarması" prosesi şəraitində məcburi dövlət sosial sığorta haqları üzrə daxilolmalar 1 milyard 19,8 milyon manat olub. Bu, ötən ilin eyni dövrü ilə müqayisədə 6,4 % və ya 61,2 milyon manat çoxdur.

Bundan başqa, məlumata görə, sosial daxilolmalar büdcə təşkilatları üzrə 1 il əvvələ nisbətən 5,3 milyon manat və yaxud 1,7 %, qeyri-büdcə təşkilatları üzrə isə 58,6 milyon manat və yaxud 9 % çox olub.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Cənubi Qafqaz statistikası: Ən aşağı işsizlik göstəricisi Azərbaycanda

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2