Ceyhun Bayramov və Sikorski Cənubi Qafqazdakı təhlükəsizlik vəziyyətini müzakirə ediblər
Far.Az xəbər saytı

Ceyhun Bayramov və Sikorski Cənubi Qafqazdakı təhlükəsizlik vəziyyətini müzakirə ediblər


Azərbaycanın xarici işlər naziri Ceyhun Bayramov və Polşanın baş nazirin müavini, xarici işlər naziri Radoslav Sikorski Yaxın Şərq və Cənubi Qafqazdakı təhlükəsizlik vəziyyətini müzakirə ediblər.

"Report" Polşanın Xarici İşlər Nazirliyinə (XİN) istinadən xəbər verir ki, XİN rəhbərləri bu gün telefon danışığı aparıblar.

Söhbət zamanı R.Sikorski martın əvvəlində İrandan Azərbaycan ərazisinə həyata keçirilən dron hücumunu pisləyib və beynəlxalq hüququn bu cür pozulmasının yolverilməz olduğunu bildirib.

"Nazirlər, həmçinin Yaxın Şərqdə və Cənubi Qafqazda təhlükəsizlik sahəsindəki vəziyyəti müzakirə edib, eləcə də davam edən münaqişənin mümkün siyasi və iqtisadi nəticələrini nəzərdən keçiriblər", - Polşa XİN-dən bildirilib.

Azərbaycan XİN-in yaydığı məlumata əsasən isə, Polşa naziri ölkəsinin diplomatlarının və vətəndaşlarının İran ərazisindən təxliyəsinə göstərilən dəstəyə görə Azərbaycana təşəkkür edib.

Telefon danışığı zamanı həmçinin Azərbaycanla Polşa arasında siyasi, iqtisadi, alternativ enerji, humanitar və digər sahələrdə münasibətlərin geniş perspektivə malik olduğu, əlaqələrin inkişafında qarşılıqlı səfərlərin və siyasi dialoqun intensivləşdirilməsinin əhəmiyyəti qeyd olunub.

Oxşar xəbərlər

Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib -YENİLƏNİB
Müxtəlif ölkələrin rəsmi şəxsləri, qurumlar və beynəlxalq təşkilatlar İranın Naxçıvana dron hücumunu pisləyib
Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib
İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir
Son iki saatda İrandan Azərbaycana daha 9 nəfər təxliyə olunub

Ən son xəbərləri bizim

"Facebook" səhifəmizdə izləyin

Digər xəbərlər