Özbəkistan və Qazaxıstan XİN-ləri 2026-2027-ci illər üçün əməkdaşlıq proqramı imzalayıblar
Far.Az xəbər saytı

Özbəkistan və Qazaxıstan XİN-ləri 2026-2027-ci illər üçün əməkdaşlıq proqramı imzalayıblar


Özbəkistan və Qazaxıstanın Xarici İşlər Nazirlikləri (XİN) Daşkənddə keçirilən ikitərəfli danışıqların yekunlarına əsasən 2026-2027-ci illər üçün əməkdaşlıq proqramı imzalayıblar.

"Report" xəbər verir ki, bu barədə Özbəkistanın XİN rəhbəri Baxtiyor Saidov sosial şəbəkələrdə məlumat yayıb.

"Bu gün nazirlikdə Qazaxıstanın xarici işlər naziri Yermek Koşerbayevi salamlamaq böyük məmnuniyyətdir. Qazaxıstanlı qardaşlarımızı Özbəkistan torpağında görmək bizim üçün səmimi sevincdir. Son illər dövlətlərimizin liderlərinin siyasi iradəsi sayəsində qarşılıqlı fəaliyyətimiz misilsiz səviyyəyə çatıb", - o yazıb.

Nazirin sözlərinə görə, bugünkü danışıqlar konkret xarakter daşıyıb və ikitərəfli, eləcə də çoxtərəfli əməkdaşlığın əsas istiqamətlərini əhatə edib. O qeyd edib ki, danışıqların yekunlarına əsasən Özbəkistan və Qazaxıstanın XİN-ləri arasında 2026-2027-ci illər üçün əməkdaşlıq proqramı imzalanıb.

"Təmasların yüksək dinamikasını, ticarət-iqtisadi və nəqliyyat-logistika sahələrində qarşılıqlı fəaliyyətin daha da genişləndirilməsi üçün əhəmiyyətli potensialı qeyd etdik. Əminik ki, qarşıdakı danışıqlar Özbəkistan-Qazaxıstan strateji tərəfdaşlığının və müttəfiqliyinin daha da möhkəmlənməsinə əlavə təkan verəcək", - B.Saidov əlavə edib.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Baku TV və "Özbəkistan 24" arasında əməkdaşlıq memorandumu imzalanıb
Azərbaycan və Özbəkistan arasında hərbi əməkdaşlıq planı imzalanıb
Baku TV, Report İA və Qazaxıstanın "Xabar" Agentliyi arasında əməkdaşlıq memorandumu imzalanıb
İlham Əliyev Daşkənddə "Gələcəyin İrsi" Beynəlxalq Mükafatının təqdimat mərasimində iştirak edib

Ən son xəbərləri bizim

"Facebook" səhifəmizdə izləyin

Digər xəbərlər