Manana illər sonra mərhum Xalq artistinə verdiyi sözü tutdu
Far.Az xəbər saytı

Manana illər sonra mərhum Xalq artistinə verdiyi sözü tutdu


Əməkdar artist Manana Çaparidze yaradıcılığında növbəti bir uğura imza atıb.

Far.Az xəbər verir ki, mərhum Xalq artisti Aftandil İsrafilovun əfsanəvi "Basqalı rəqsi" əsərinə öz ifası ilə yeni nəfəs verib.

Əsərin musiqisi Aftandil İsrafilova, sözləri isə Əməkdar artistin özünə aiddir.

Onu da vurğulayaq ki, "Basqalı rəqsi" adlanan əsərin ilk Azərbaycan dilində ifaçısı Əməkdar artist Manana Çaparidzedir. Sənətçinin ifasında əsər mahnıya çevrilərək "Basqalım mənim" adlanır.

Sənətçi kompozisiyanın yaranma ideyası haqqında bunları danışıb:

"Bir neçə il əvvəl, çıxış etdiyim tədbirlərdən birində mərhum qarmon ustası, hörmətli Avtandil müəllim İsrafilovla görüşdüm. Söhbətimiz çox səmimi keçdi və birdən o mənə dedi: "Manana, qızım, bilirsənmi ki, sənin ifa etdiyin mahnılardan birində səslənən musiqi parçası "Basqalı rəqsi" mənim bəstəm, mənim əsərimdir." Elə həmin anda o, mənə bir xahişlə müraciət etdi. Elə bir xahiş ki, bu günə qədər ürəyimdə yaşayır. O istəyirdi ki, bu əsər artıq mahnı kimi mənim ifamda səslənsin. Məhz buna görə mənə xeyir-dua verdi ki, bu bəstənin əsasında mahnı yaradım və onun Azərbaycan dilində ilk ifaçısı olum. Bu gün mən Aftandil müəllimin bizə miras qoyduğu əsəri təqdim etdim".

"Basqalım mənim" artıq bütün rəqəmsal platformalara yerləşdirilib.

Oxşar xəbərlər

Xalq artisti Əminə Yusifqızı dəfn olunub
Xalq artisti Hacı Murad Yegizarov II Fəxri xiyabanda dəfn olunub
Tənqid edilənlər, qalmaqal yaradanlar, ilklərə imza atıb, yeniliklər edənlər... - 2025-ci ilin əsas şou hadisələri
Prezident Azərbaycanda sosial müavinətləri artırdı - FƏRMAN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ən son xəbərləri bizim

"Facebook" səhifəmizdə izləyin

Digər xəbərlər