Tbilisidə Gürcüstan-Qazaxıstan görüşündə regional bağlantı və strateji tərəfdaşlıq gündəmə gəlib
Far.Az xəbər saytı

Tbilisidə Gürcüstan-Qazaxıstan görüşündə regional bağlantı və strateji tərəfdaşlıq gündəmə gəlib


Gürcüstan Prezidenti Mixail Kavelaşvili və Qazaxıstanın xarici işlər naziri Yermek Koşerbayev Tbilisidə keçirilən görüş zamanı Orta Dəhlizin inkişafını müzakirə ediblər.

"Report" xəbər verir ki, bu barədə Gürcüstan Prezidenti "X" sosial şəbəkəsindəki hesabında paylaşım edib.

Görüş zamanı tərəflər Gürcüstan və Qazaxıstan arasında dostluq və tərəfdaşlıq münasibətlərini, müxtəlif sahələrdəki uğurlu əməkdaşlığı, eləcə də ikitərəfli əlaqələrin strateji səviyyəyə yüksəldilməsi məsələlərini müzakirə ediblər.

"Hazırkı qlobal siyasi proseslərə və aktiv münaqişələrə xüsusi diqqət yetirilib. Biz qeyd etdik ki, bu şəraitdə Cənubi Qafqazda və Mərkəzi Asiyada sabitliyin və sülhün qorunması qlobal əhəmiyyət kəsb edir. Eyni zamanda, mürəkkəb və sürətlə dəyişən geosiyasi vəziyyətdə Orta Dəhlizin artan rolu və regional bağlantının inkişafının vacibliyi vurğulanıb", - o yazıb.

M.Kavelaşvili Gürcüstanın suverenliyinə və ərazi bütövlüyünə dəstəyinə görə Yermek Koşerbayevə minnətdarlığını bildirib.

Y.Koşerbayevin Tbilisiyə səfəri çərçivəsində Gürcüstanın Baş naziri İrakli Kobaxidze ilə də görüş keçirilib.

İ.Kobaxidze "X" sosial şəbəkəsindəki hesabında qeyd edib ki, tərəflər ölkələr arasında möhkəm və dostluq münasibətlərini, eləcə də tərəfdaşlığın daha da dərinləşdirilməsinə sadiqliklərini təsdiqləyiblər.

Oxşar xəbərlər

Azərbaycan Prezidenti və Gürcüstanın Baş naziri mətbuata bəyanatlarla çıxış ediblər
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Birinci xanım Mehriban Əliyeva Tbilisidə Mirzə Fətəli Axundzadə adına Azərbaycan Mədəniyyəti Muzeyi ilə tanış olub
Anar Ələkbərov "44" bədii filminin çəkilişlərinin başa çatması barədə paylaşım edib

Ən son xəbərləri bizim

"Facebook" səhifəmizdə izləyin

Digər xəbərlər