ADSEA-nın tabeli qurumları ərazilərdə yığılan yağış sularının kənarlaşdırılması işlərini davam etdirir
Far.Az xəbər saytı

ADSEA-nın tabeli qurumları ərazilərdə yığılan yağış sularının kənarlaşdırılması işlərini davam etdirir


Azərbaycan Dövlət Su Ehtiyatları Agentliyinin (ADSEA) tabeli qurumları, o cümlədən İri Şəhərlərin Birləşmiş Su Təchizatı Xidməti və sukanal idarələri gücləndirilmiş iş rejimində fəaliyyət göstərir.

Bu barədə "Report"a ADSEA-dan məlumat verilib.

Bildirilib ki, hazırda Bakı şəhəri və Abşeron yarmadasının ərazilərinə toplanan yağış suları kənarlaşdırılır.

Digah qəsəbəsi, Bakıxanov küçəsində kanalizasiya şəbəkəsi olmayan göl ətrafı evlərə və həyətyanı sahələrə yığılan yağış sularının Bağlar Sukanal İdarəsinin quraşdırdığı nasoslar vasitəsilə ərazidən gölə təxliyə edilməsi işləri davam etdirilir.

Xəzər rayonu Buzovna qəsəbəsi, Nadir Quliyev küçəsi, Döngə 2.-də intensiv yağışlar nəticəsində toplanmış sular nasos vasitəsilə ərazidən kənarlaşdırılır.

Sabunçu rayonu, Sabunçu vağzalının qarşısı yağış sularından təmizlənir.

Xəzər rayonu Buzovna qəsəbəsi, Nadir Quliyev küçəsində nasos quraşdırılıb. Nasosun çıxış xəttindən diametri 160 mm-lik boru xətti çəkilərək yağış sularının kənarlaşdırılması həyata keçirilir.

Bağlar Sukanal idarəsinin əməkdaşları Məmmədli kəndi N. Nərimanov küçəsindəki tullantı su şəbəkəsi olmayan ərazidən evlərə və həyətyanı sahələrə yığılan yağış sularının təmizlənməsi işlərini icra edirlər.

Xəzər rayonu Şüvəlan qəsəbəsi, Mayak yaşayış massivinə intensiv yağışlar nəticəsində toplanmış sular quraşdırılmış nasos vasitəsilə ərazidən kənarlaşdırılır.

Novxanı bağlarının kanalizasiya şəbəkəsi olmayan ərazilərindən yağış sularının təxliyə edilməsi işləri davam etdirilir.

Sukanal idarələri xidməti ərazilərindən normadan dəfələrlə artıq olan yağış sularının kənarlaşdırılmasını gücləndirilmiş iş rejimində intensiv, fasiləsiz şəkildə icra edir

Oxşar xəbərlər

Bakıda bir sıra küçələr yağış sularından təmizlənir
İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB
Lənkəranda sel suları həyətyanı sahələrə dolub
Keşlədə 58 nəfər təxliyə edilib, Bakıda su basmış yerlər təmizlənir
Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Ən son xəbərləri bizim

"Facebook" səhifəmizdə izləyin

Digər xəbərlər