ABŞ və İran arasında danışıqların növbəti mərhələsi 20 aprel, bazar ertəsi Pakistanda baş tuta bilər.

"Far.Az"un xəbərinə görə, bu barədə "The Wall Street Journal" (WSJ) qəzeti ABŞ administrasiyasının yüksək vəzifəli rəsmisinə istinadən məlumat yayıb.

Bununla belə, nəşr görüşün rəsmi tarixinin təyin olunmadığını vurğulayır.

Mənbənin qəzetə verdiyi məlumata görə, ABŞ Prezidenti Donald Trampın danışıqlar qrupu hazırlıq vəziyyətindədir və iştirak etməyə hazırdır.

Nəşr vurğulayır ki, həftəsonu tərəflər arasında bir neçə mərhələli məsləhətləşmələr keçirilib, lakin mövcud münaqişəni həll edə biləcək əhəmiyyətli irəliləyiş əldə olunmayıb.

Xatırladaq ki, 2026-cı il fevralın 28-də ABŞ və İsrail İrana qarşı hərbi əməliyyata başlayaraq, bir neçə şəhərə hava hücumları həyata keçiriblər. Elə həmin gün İranın Ali lideri Əli Xamenei zərbələr nəticəsində öldürülüb. Buna cavab olaraq İran İsrailə raket zərbələri endirib və Fars körfəzindəki Amerika hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə iki həftəlik atəşkəs barədə razılığa gəliblər.

Aprelin 11-12-də Pakistanın vasitəçiliyi ilə İslamabadda İran və ABŞ arasında nəticəsiz başa çatan danışıqlar aparılıb.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2