18 aprel tarixində Azərbaycan Respublikasının xarici işlər naziri Ceyhun Bayramov Antalya Diplomatiya Forumunda iştirakı çərçivəsində Ruanda Respublikasının xarici işlər və beynəlxalq əməkdaşlıq naziri Olivye Jan Patrik Nduhungirehe ilə görüşüb.

Bu barədə "Report"a Xarici İşlər Nazirliyindən məlumat verilib.

Görüşdə, iki ölkə arasında ikitərəfli, habelə çoxtərəfli əməkdaşlığın perspektivləri müzakirə olunub. Tərəflər Azərbaycan və Ruanda arasında BMT, Qoşulmama Hərəkatı və İslam əməkdaşlıq Təşkilatı çərçivəsində münasibətlərin inkişaf etdirilməsinin vacibliyini vurğulayıb.

Ruanda Prezidentinin Bakıda keçirilmiş COP29-un Liderlər Sammitində Azərbaycan Respublikası Prezidenti İlham Əliyev tərəfindən qəbulu zamanı aparılmış müzakirələrin iki ölkə arasında əməkdaşlığın inkişafı üçün yeni imkanlar yaratdığı vurğulanıb. Yüksək səviyyəli qarşılıqlı səfərlərin, Xarici İşlər Nazirlikləri arasında siyasi məsləhətləşmələrin münasibətlərə əlavə təkan verdiyi məmnunluqla qeyd olunub.

Müzakirələr zamanı ticarət, sərmayə, mədənçilik, neft-qaz, kənd təsərrüfatı, təhsil və digər sahələrdə əməkdaşlıq üçun geniş imkanların olduğu vurğulanıb. Ruanda tərəfinin vətəndaşlara xidmət mərkəzlərinin məhz Azərbaycanın bu sahədə uğurlu layihəsi olan "ASAN xidmət" konsepsiyası əsasında təsis edilməsinə göstərdiyi maraq yüksək qiymətləndirilib. Ruandanın Formula-1 yarışlarına hazırlıq işləri apardığı, bu sahədə ölkəmizin təcrübəsinin faydalı olduğu bildirilib. Ruandanın ölkəmizin təhsil sahəsində həyata keçirdiyi təqaüd proqramında məmnuniyyətlə iştirak etdiyi vurğulanıb.

Görüşdə həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.

18 aprel, 13:43

Azərbaycanın xarici işlər naziri Ceyhun Bayramov Antalya Diplomatiya Forumu çərçivəsində Ruandanın xarici işlər və beynəlxalq əməkdaşlıq naziri Olivier Jean Patrick Nduhungirehe ilə görüş keçirib.

"Report" xəbər verir ki, bu barədə Azərbaycan Xarici İşlər Nazirliyi "X" sosial media hesabında məlumat yayıb.

Görüş zamanı iki ölkə arasında həm ikitərəfli, həm də çoxtərəfli əməkdaşlığın perspektivləri müzakirə olunub.

Coğrafi məsafəyə baxmayaraq, ölkələr arasında əməkdaşlığın inkişaf etdirilməsinin gündəlikdə olduğu qeyd edilib və bu istiqamətdə siyasi məsləhətləşmə mexanizminin prosesə müsbət töhfə verəcəyinə dair inam ifadə olunub.

On the sidelines of @AntalyaDF Foreign Minister of #Azerbaijan @Bayramov_Jeyhun met with Olivier Jean Patrick Nduhungirehe, Minister of Foreign Affairs and International Cooperation of the Republic of Rwanda.

At the meeting the prospects of bilateral as well as multilateral… pic.twitter.com/zK3NATY7y2

— MFA Azerbaijan 🇦🇿 (@AzerbaijanMFA) April 18, 2026

Oxşar xəbərlər

İlham Əliyev Xocavənd şəhər və Xocavənd kənd sakinləri ilə görüşüb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Yaxın Şərq Sülh Sammitində iştirak edib

Azərbaycanla Ruanda arasında sənədlər mübadilə olunub, prezidentlər mətbuata bəyanatlarla çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN