Bugün baş verən insident Bakı Metropoliteninin tunel hissəsində qeydə alındığı üçün dizel generatorlardan istifadə etmək mümkün olmayıb.

BAKU.WS xəbər verir ki, bunu jurnalistlərə açıqlamasında "Bakı Metropoliteni" QSC-nin mətbuat katibi Bəxtiyar Məmmədov bildirib.

Onun sözlərinə əsasən, hadisə texniki səbəblərlə bağlı olub. Tuneldə yerləşən aralıq kabeldə yaranmış nasazlıq ehtiyat enerji mənbəyi kimi dizel generatorların işə salınmasına imkan verməyib. Buna baxmayaraq, Metropolitenin müəyyən etdiyi qaydalara uyğun olaraq sərnişinlərin təxliyəsi tam şəkildə və heç bir problem yaşanmadan həyata keçirilib.

Bəxtiyar Məmmədov əlavə edib ki, əgər metroya elektrik enerjisinin verilməsində ümumi fasilə yaranarsa, bu halda dizel generatorlar dərhal işə düşür. Belə vəziyyətlərdə qatarların hərəkəti ilə yanaşı, işıqlandırma sistemləri və digər vacib infrastruktur - ventilyasiya, nasoslar, eskalatorlar da fasiləsiz şəkildə fəaliyyət göstərir. Lakin bu gün baş verən hadisə ümumi enerji kəsintisi ilə deyil, məhz tuneldə kabeldə baş verən qısaqapanma ilə əlaqədar olub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib