Avropa Komissiyası və Avropa İnvestisiya Bankı Qrupu Ukrayna üçün təcili bərpa layihələrinin dəstəklənməsinə yönəlmiş 600 milyon avrodan çox məbləğində yeni maliyyələşdirmə paketini elan ediblər.

"Far.Az" xəbər verir ki, bu barədə məlumat Avropa İttifaqının (Aİ) saytında dərc olunub.

Paket Avropa İnvestisiya Bankı Qrupu üçün Aİ zəmanətlərinin genişləndirilməsini nəzərdə tutur, bu da ölkənin bərpası üzrə gələcək səylərə 450 milyon avrodan çox vəsaitin cəlb edilməsinə imkan verəcək. Daha təxminən 150 milyon avro Aİ tərəfindən qrantlar və texniki yardım şəklində təqdim ediləcək.

Maliyyələşdirmə iqtisadiyyat və gündəlik həyat üçün əsas olan sahələrə, o cümlədən avtomobil və dəmir yolu infrastrukturunun inkişafı, elektrik şəbəkələrinin modernləşdirilməsi, yaşayış evlərinin və ictimai binaların enerji səmərəliliyinin artırılmasına yönəldiləcək. Dəstək həmçinin şəhər mobilliyini və təhsil müəssisələrini də əhatə edəcək.

Avropa İnvestisiya Bankının vitse-prezidenti Karl Nehammer qeyd edib ki, yeni paket Aİ ilə Ukrayna arasında tərəfdaşlığın möhkəmliyini əks etdirir.

"Biz ən çox ehtiyac duyulan yerlərdə - enerji təhlükəsizliyindən tutmuş nəqliyyat və mənzil tikintisinə qədər konkret investisiyalar üçün dəstəyimizi artırırıq. Biz hələ də Ukraynanın bərpasına və onun Avropaya inteqrasiya yoluna dəstək verməyə sadiqik", - o bildirib.

Qeyd olunub ki, Aİ-nin zəmanətləri 2025-ci ildə Avropa İnvestisiya Bankı Qrupuna əvvəllər ayrılmış 2 milyard avronu tamamlayır.

"İndi Ukraynaya investisiya yatırmaq üçün ən uyğun vaxtdır. O, innovativ, böyük potensiala malik və qitənin gələcəyi üçün getdikcə daha böyük əhəmiyyət kəsb edən - Avropada investisiyalar üçün ən strateji cəhətdən mühüm istiqamətlərdən birinə çevrilir. Aİ və Ukrayna şirkətləri arasında əməkdaşlıq həmçinin kritik vacib texnoloji sektorlarda Avropanın müstəqilliyinin gücləndirilməsi üçün zəmin yaradır", - Aİ-nin genişlənmə məsələləri üzrə komissarı Marta Kos bildirib.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Xocalının Təzəbinə kəndində ailələrə evlərinin açarları təqdim olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub