Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov və İtaliyanın xarici işlər və beynəlxalq əməkdaşlıq nazirinin müavini Edmondo Çirielli görüşüb və ölkələr arasında tərəfdaşlığın möhkəmləndirilməsini müzakirə ediblər.

"Far.Az" xəbər verir ki, bu barədə İtaliya Xarici İşlər Nazirliyi (XİN) "X" sosial şəbəkə hesabında məlumat yayıb.

Danışıqlar zamanı tərəflər regional və beynəlxalq məsələləri, eləcə də siyasi və iqtisadi əməkdaşlığın strateji sahələrində tərəfdaşlığın möhkəmləndirilməsini müzakirə ediblər.

İtaliyanın Baş naziri Corcia Meloninin qarşıdan gələn səfərini və yanvar ayında imzalanmış fəaliyyət planının icrası ətrafında da fikir mübadiləsi aparılıb.

Qeyd edək ki, Corcia Meloni mayın 5-də Azərbaycana səfər edəcək.

Xatırladaq ki, yanvarın 13-də Azərbaycan və İtaliya arasında Hökumətlərarası Komissiyanın iclası çərçivəsində əməkdaşlığın 18 istiqaməti üzrə 65 tədbirin həyata keçirilməsini nəzərdə tutan 2026–2027-ci illər üçün Birgə Fəaliyyət Planı qəbul edilib.

Incontro del VM @edmondocirielli con Elchin Amirbayov, Consigliere per gli Affari Speciali del Presidente dell’Azerbaigian.

Al centro del colloquio, i principali dossier regionali e internazionali e il rafforzamento del partenariato tra Roma e Baku nei settori strategici della… pic.twitter.com/owGXmWfHcX

— Farnesina 🇮🇹 (@ItalyMFA) April 28, 2026

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan-Qırğızıstan Hökumətlərarası Komissiyasının 6-cı iclası keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib