Şəki rayonunun Aşağı Şabalıd kənd sakinləri Baku TV-nin qaynar xəttinə müraciət edərək kənddəki qazsızlıq problemindən şikayətləniblər.

Bildirilib ki, 500-dən çox sakinin yaşadığı bu yaşayış məntəqəsində indiyədək mavi yanacaq olmayıb.

Sakinlərin sözlərinə görə, odun tədarük etmək həm fiziki, həm də maddi baxımdan böyük çətinliklər yaradır. Belə ki, qış mövsümünü başa vurmaq üçün hər ailə orta hesabla 1 500-2 000 manat civarında vəsait xərcləməli olur.

"Odun daşımaqdan yorulmuşuq, hisin-pasın içində can veririk. İki oğlum qaz və yol olmadığına görə kəndi tərk edib", - sakinlərdən biri söyləyib.

Digər bir vətəndaş isə qeyd edib: "Qış aylarında odun üçün təxminən 1 500-2 000 manat civarında xərcim çıxır. Bundan əlavə, hər ay qaz balonunu doldurmaq üçün 27-30 manat ödəyirəm. Çox acınacaqlı vəziyyətdəyik".

Məsələ ilə bağlı "Azəriqaz" İstehsalat Birliyindən qeyd olunub ki, qazlaşma proqramı qurumun daxili maliyyə imkanlarına uyğun olaraq mərhələli şəkildə həyata keçirilir: "Şəki rayonunun Aşağı Şabalıd kəndində küçə qaz xətlərinin çəkilişi işlərinə maliyyə imkanlarından asılı olaraq növbəti mərhələlərdə baxıla bilər".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev Xocavənd şəhər və Xocavənd kənd sakinləri ilə görüşüb

Lökbatandakı yanğına helikopterlər indiyədək 200 ton su töküb - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2