Türk Dövlətləri Təşkilatının (TDT) birlik modelini ifadə edən və bütün qərarların birlikdə alındığı bir mexanizmə çevrilməsinə doğru yol gedilir. TDT Dövlət başçılarının qeyri-rəsmi Zirvə görüşü isə bu yaxınlaşmanın bir az daha irəliləməsi deməkdir.

BAKU.WS xəbər verir ki, bu fikirləri report-a açıqlamasında Milli Məclisin deputatı Fazil Mustafa deyib.

Onun sözlərinə görə, hazırda təşkilatda çox faydalı münasibətlər sistemi formalaşıb:

"Artıq dövlətlər daha müstəqil şəkildə birliyin mahiyyətini dərk edərək onun möhkəmlənməsinə çalışırlar. Ümid edək ki, gedişat bütövlükdə Türk dünyasının yeni bir güc mərkəzinə çevrilməsi ilə bağlı nəticəvi təşkilat modelini ortaya qoyacaq".

F.Mustafa həmçinin bildirib ki, Türk dövlətlərinin birliyi müzakirələr aparan formatdan daha çox Avropa İttifaqı və digər regional birlikləri ifadə edən mexanizmə yaxın güc mərkəzi kimi görünməlidir:

"Bununla bağlı imkanlar daha böyükdür. Hətta sözügedən təşkilatlardakı ölkələrdən də çox imkanlarımız var. Çünki ortaq tarix, etnik, mədəni, mənəvi və mənəvi bağlılıq o dərəcədədir ki, burada hər hansı qopma mümkün deyil. TDT-yə üzv dövlətlərin siyasi cəhətdən bir araya gəlməsi artıq bağların birmənalı şəkildə qırılmaz dəyərə sahib olduğunu göstərir".

Oxşar xəbərlər

İlham Əliyev Türküstanda TDT-nin qeyri-rəsmi Zirvə görüşündə iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Həyatda yaxşı şeyləri niyə görmürük? - Tanınmış simaların FİKİRLƏRİ