Misirin mənzil tikintisi, kommunal təsərrüfatı və şəhər inkişafı naziri Randa Əl-Minşavi Ümumdünya Şəhərsalma Forumunun 13-cü sessiyasında (WUF13) iştirak etmək üçün Qahirədən Bakıya yola düşüb.

Bu barədə "Far.Az" Misirin "Ahl Masr" saytına istinadən xəbər verir.

WUF13 çərçivəsində misirli nazir bir sıra yüksək səviyyəli iclas və tədbirlərdə iştirak edəcək, eləcə də digər ölkələrdən olan həmkarları ilə ikitərəfli görüşlər keçirəcək.

O, birgə əməkdaşlıq və təcrübə mübadiləsi imkanlarını müzakirə etməyi, həmçinin "ağıllı şəhərlər"in tikintisi, mənzil və infrastruktur layihələrinin icrası sahəsində Misirin təcrübəsini təqdim etməyi planlaşdırır.

Qeyd edək ki, WUF13 mayın 17-22-də Bakıda keçiriləcək. Forum Azərbaycanın BMT-nin Məskunlaşma Proqramı (UN-Habitat) ilə sıx əməkdaşlığı çərçivəsində keçirilir və dayanıqlı şəhərsalma, "ağıllı şəhərlər" və innovativ şəhər həlləri sahəsində beynəlxalq təcrübə mübadiləsinə yönəlib.

Oxşar xəbərlər

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

WUF13 ərəfəsində Azərbaycan UN-Habitat ilə saziş imzalayıb - YENİLƏNİB