Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində 40 minə yaxın iştirakçı urbanizasiya və dayanıqlı şəhər inkişafı ilə bağlı təcrübə mübadiləsi aparır.

Bunu "Far.Az"a açıqlamasında BMT-nin Məskunlaşma Proqramının (UN-Habitat) nümayəndəsi Ulf Bjornholm bildirib.

Onun sözlərinə görə, forum müxtəlif ölkələrdən gələn iştirakçıların bir araya gələrək fikir mübadiləsi aparması üçün mühüm platformadır: "Burada nazirlər, dövlət başçıları, vətəndaş cəmiyyəti nümayəndələri, bələdiyyə sədrləri iştirak edir. Onlar görüşür, bir-birindən öyrənir və təcrübələrini bölüşürlər. Bu, həqiqətən də möhtəşəmdir. WUF urbanizasiya sahəsində çalışan tərəflərin bir araya gəldiyi əsas beynəlxalq platformalardan biridir".

UN-Habitat rəsmisi Azərbaycanın forumun təşkili ilə bağlı gördüyü işləri də yüksək qiymətləndirib. O bildirib ki, ölkə barədə çox müsbət təəssürata malikdir: "Azərbaycanın burada yaratdığı mühit olduqca təsirlidir. Bu arenanın qurulması həm texniki, həm də mədəni baxımdan heyrətamizdir. Tədbir sayəsində Azərbaycan haqqında çox şey öyrəndim".

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

Media nümayəndələri üçün WUF13 haqqında məlumatlandırma sessiyası keçirilib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Prezident İlham Əliyev BMT-nin Məskunlaşma Proqramının icraçı direktorunu qəbul edib