ABŞ İranın hərbi əməliyyatları dayandırmaqla bağlı yeni təklifini razılaşmalar əldə etmək üçün yetərincə məqbul hesab etməyib.

"Far.Az" xəbər verir ki, bu barədə "Axios" portalı ABŞ rəsmilərinə istinadən məlumat yayıb.

"İran müharibənin dayandırılmasına dair razılaşma bağlamaq üçün yenilənmiş təklif təqdim edib, lakin Ağ Ev hesab edir ki, o, əhəmiyyətli təkmilləşdirmələri ehtiva etmir və razılaşma üçün yetərsizdir", - məlumatda qeyd olunur.

ABŞ Prezidenti Donald Tramp İrana qarşı müharibənin dayandırılması barədə razılaşma bağlamaq istəyir, lakin Tehranın onun tələblərinin çoxunu rədd etməsi və öz nüvə proqramı üzrə əhəmiyyətli güzəştlərə getməkdən imtina etməsi səbəbindən hücumları bərpa etməyə meyllidir. Mənbələr qeyd edir ki, Amerika lideri sabah hərbi əməliyyat variantlarını müzakirə etmək üçün təhlükəsizlik məsələləri üzrə müşavirə keçirəcək.

İran Prezidenti Məsud Pezeşkian qeyd edib ki, ölkə münaqişənin nizamlanması üçün öz tələblərindən geri çəkilmək niyyətində deyil. Daha əvvəl bildirilib ki, Pakistan hərbi əməliyyatların dayandırılması ilə bağlı yenidən baxılmış İran təklifini ABŞ nümayəndələrinə çatdırıb. Yeni sənəddə atəşkəsə və etimadın möhkəmləndirilməsi tədbirlərinə vurğu edilən 14 müddəa yer alır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Paytaxt rayonlarında qışa hazırlığın vəziyyəti ilə bağlı müşavirə keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər