Türkiyənin "Haber Global" kanalı Bakıda keçirilən Ümumdünya Şəhərsalma Forumunun (WUF13) üçüncü günündən videoreportaj hazırlayıb.

"Far.Az" xəbər verir ki, materialda forumda 182 ölkədən 40 mindən çox iştirakçının qatıldığı vurğulanıb.

Videomaterialda qeyd olunub ki, üçüncü gün pavilyonlara maraq xüsusilə yüksək olub. Ən çox diqqət çəkənlərdən biri Meksika pavilyonu olub. Qonaqlar burada yerli geyimlərdə olanlarla şəkillər çəkdirir, rəqs edirlər.

Digər diqqətçəkən stend Türkiyəyə məxsusdur. Televiziyanın müxbiri qeyd edib ki, burada müraciət edən, maraqlanan insanların adları xüsusi ustalıqla xəttatlar tərəfindən yazılır. Bu isə qonaqlar tərəfindən böyük maraqla qarşılanır.

İki ildən bir təşkil olunan forum ilk dəfədir ki, Qafqaz regionunda keçirilir. Qeydiyyatdan keçən iştirakçıların sayı artıq 45 mini keçib ki, bu da rekord göstərici hesab olunur. Müqayisə üçün, iki il əvvəl Misirdə keçirilən WUF12-də 24 min nəfər iştirak etmişdi. Bakıda keçirilən forumda isə iştirakçı sayı iki dəfədən çox artıb.

Xatırladaq ki, dünən Ümumdünya Şəhərsalma Forumunun 13-cü sessiyasının (WUF13) rəsmi açılış mərasimi olub və Azərbaycan Prezidenti İlham Əliyev mərasimdə çıxış edib.

Məlumat üçün qeyd edək ki, forum BMT-nin Məskunlaşma Proqramı (UN-Habitat) və Azərbaycan Hökuməti tərəfindən birgə təşkil olunur.

Bakının ev sahibliyi etdiyi WUF13 dünyanın diqqətini bir daha Azərbaycana yönəldəcək ən mühüm beynəlxalq platformalardan biri hesab olunur.

"Hər kəs üçün yaşayış yerləri: Təhlükəsiz və dayanıqlı şəhərlər və yaşayış məskənləri" mövzusuna həsr olunan forum mayın 22-dək davam edəcək.

Türkiyənin "Haber Global" kanalı WUF13-ün üçüncü günündən videoreportaj hazırlayıb

Oxşar xəbərlər

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Məktəbin ilk günündən FOTOLAR

Bakıda keçirilən WUF13 dünya mediasının diqqət mərkəzindədir