Dünyada şəhərlərdə iqlim fəaliyyətlərinin maliyyələşdirilməsini sürətləndirmək müxtəlik praktiki həllər tələb edir.

"Far.Az" xəbər verir ki, bunu Azərbaycanın xarici işlər nazirinin müavini Yalçın Rəfiyev Ümumdünya Şəhərsalma Forumunun 13-cü sessiyası (WUF13) çərçivəsində keçirilən "One UN" dəyirmi masasında bildirib.

Onun sözlərinə görə, şəhərlərdə iqlim fəaliyyətlərinin maliyyələşdirilməsini sürətləndirmək "yaşıl istiqraz"lar və iqlim fondlarından tutmuş, dövlət-özəl tərəfdaşlığına və innovativ yerli maliyyələşdirmə mexanizmlərinə qədər praktiki həllər tələb edir: "Bu, həmçinin yerli idarəetmə orqanlarının səlahiyyətlərinin artırılmasından asılıdır ki, onlar bu resurslara effektiv şəkildə çıxış əldə edə və tətbiq edə bilsinlər".

O qeyd edib ki, Dayanıqlı İnkişaf Məqsədləri (DİM) dayanıqlı mənzil təminatı və şəhərsalma vasitəsilə irəliyə aparmaq üçün daha güclü çoxtərəfli əməkdaşlıq, BMT sistemi daxilində koordinasiyalı fəaliyyət və bütün səviyyələrdə effektiv tərəfdaşlıq zəruridir: "WUF13-ün ev sahibi kimi Azərbaycan inklüziv, davamlı və dayanıqlı şəhərsalmanı dəstəkləmək öhdəliyinə sadiq qalır. Gəlin, bu forumdan əməkdaşlığı gücləndirmək, daha yaxşı şəhərlər və hamı üçün daha yaxşı həyat naminə praktiki fəaliyyətləri sürətləndirmək üçün istifadə edək".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib