Livan İsrail Müdafiə Ordusunun hücumlarının artmasına baxmayaraq, İsraillə sülh danışıqlarını davam etdirəcək, çünki barışığa nail olmaq üçün alternativ yol yoxdur.

"Report" "Al Jazeera"ya istinadən xəbər verir ki, bu barədə Livan Prezidenti Cozef Aun bildirib.

"Danışıqlar müharibədən daha təhlükəsizdir. Biz müharibənin fəlakətlərini və onun nəticələrini görmüşük və görməkdə davam edirik. Lakin danışıqlar problemi bir neçə dəqiqə ərzində həll etməyəcək, bu, zaman tələb edən bir yoldur və bizim başqa seçimimiz yoxdur", - o qeyd edib.

Aun vurğulayıb ki, danışıqlarda iştirak etməyi kapitulyasiya və ya güzəşt hesab etmir, əksinə, bunu münaqişəni minimum zərərlə dayandırmağa imkan verən yeganə həll yolu kimi görür.

Daha əvvəl İran XİN-in sözçüsü İsmayıl Bəqai bildirib ki, Livanda atəşkəsə zəmanət verilməsi ABŞ ilə münaqişənin nizamlanması barədə sazişin bağlanması üçün əsas şərtlərdən biridir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3