Təyyarədə dəhşətli anlar: Sərnişin təcili çıxış qapısını açmağa çalışdı
Puerto-Rikodan Çikaqoya uçan sərnişin təyyarəsində təhlükəli insident yaşanıb. Sərnişinlərdən biri təcili çıxış qapısını açmağa cəhd göstərib, daha sonra pilot kabinəsinə daxil olmağa çalışaraq təyyarədə panikaya səbəb olub.
BAKU.WS xəbər verir ki, hadisə Frontier Airlines aviaşirkətinin San-Xuan–Çikaqo reysində qeydə alınıb. Məlumata görə, 51 yaşlı Xuan Qabriel Reyes havaya qalxdıqdan təxminən 45 dəqiqə sonra təyyarədən düşmək istədiyini bildirib və aqressiv davranışlar sərgiləməyə başlayıb.
Təcili çıxış qapısını açmaq cəhdinin qarşısı alındıqdan sonra o, pilot kabinəsinin qapısını zorla açmağa çalışıb. Kabin heyətinin müdaxiləsi nəticəsində sərnişin sakitləşdirilməyə çalışılsa da, onun davranışları daha da nəzarətdən çıxıb.
Daha sonra başqa yerə əyləşdirilən Reyes təyyarədə sərnişin kimi səfər edən növbədənkənar bir bələdçiyə hücum edib. O, həmin şəxsi boğmağa cəhd göstərib. Kabin heyəti və sərnişinlər birgə səylərlə onu zərərsizləşdirərək plastik qandallarla bağlayıblar.
Təyyarə təhlükəsizlik məqsədilə Mayami Beynəlxalq Hava Limanına təcili eniş edib. Şübhəli şəxs enişdən sonra saxlanılaraq FTB əməkdaşlarına təhvil verilib.
Məlumata görə, ona ekipajın fəaliyyətinə mane olmaq və hücum törətmək ittihamları irəli sürülüb. Təyyarə isə bir neçə saatlıq gecikmədən sonra Çikaqoya uçuşunu davam etdirib.
Oxşar xəbərlər
WUF13-ün beşinci günündən maraqlı anlar - FOTOREPORTAJ
Ermənistan vətəndaşlarının məhkəməsində hökm elan olunub - YENİLƏNİB
Arayik Arutyunyan və digərlərinə hökm oxundu
Ermənistan vətəndaşlarının məhkəməsində prokurorların təklifləri səsləndirilib
Əhmədin DƏHŞƏTLİ ETİRAFLARI: "Kimsə mənə deyirdi ki, ailə üzvlərimi öldürməliyəm"
Ən son xəbərləri bizim
"Facebook" səhifəmizdə izləyin
Digər xəbərlər
-
Pentaqon Yaxın Şərqdə 20-dən çox gəmi cəmləşdirib
-
"United Airlines" şirkətinin işində iri miqyaslı nasazlıq yaranıb
-
"Bakcell" gənclər üçün növbəti süni intellekt hakatonunu keçirib
-
CNN: İran Vaşinqtonda Tramp administrasiyası rəsmilərinə hücumlar hazırlayır
-
"Sədərək" bazarında səssizlik: Alıcıları hara üz tutublar?
-
PSV Kevin De Brüyne üçün transfer təklifi göndərib













