Azərbaycan Kiqali Düzəlişinin icrası üçün milli hazırlıq işlərini davam etdirir
Azərbaycan Kiqali Düzəlişinin icrası üçün milli hazırlıq işlərini davam etdirir.
"Report" xəbər verir ki, bunu Azərbaycan Prezidentinin iqlim məsələləri üzrə nümayəndəsi Muxtar Babayev Özbəkistanın Səmərqənd şəhərində Qlobal Ekologiya Fondunun (QƏF) VIII Assambleyası çərçivəsində BMT-nin Sənaye İnkişafı Təşkilatının (UNIDO) yan tədbirində iştirakına dair "X" sosial şəbəkə hesabında etdiyi paylaşımda bildirib.
"Artan soyutma tələbatı getdikcə həm iqlim, həm də inkişaf çağırışına çevrilməkdədir və bu, enerji səmərəliliyi, davamlı şəhər inkişafı və müasir soyutma texnologiyaları istiqamətində daha güclü səylər tələb edir", - o qeyd edib.
M. Babayev əlavə edib ki, COP29-dan sonra iqlim prosesləri icra və tətbiq mərhələsinə doğru irəlilədikcə davamlı soyutmaya keçidi dəstəkləmək üçün regional əməkdaşlıq, texnologiya transferi, investisiyalar və praktiki icra vacibdir:
"Azərbaycan 2025-ci ildə Kiqali Düzəlişini ratifikasiya edib və hazırda onun icrası üçün milli hazırlıq işlərini irəli aparır".
Qeyd edək ki, Prezident İlham Əliyev 2025-ci ildə "Ozon qatını dağıdan maddələr haqqında" Monreal Protokoluna 2016-cı il 15 oktyabr tarixli Kiqali Düzəlişini təsdiqləyib.
Oxşar xəbərlər
Bakıda Azərbaycan Könüllülərinin VIII Həmrəylik Forumu keçirildi
Mehriban Əliyeva BMT Baş Assambleyası çərçivəsində xüsusi sessiyada iştirak edib
Heydər Əliyev Fondunun dəstəyi ilə alınan musiqi alətlərinin təqdimatı olub
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
AzTV-də yeni dövr başlayır: Televiziyada nələr dəyişəcək?
-
Tramp İranla münaqişənin tezliklə həll olunacağına ümid edir
-
FTB ABŞ-nin Yunanıstandakı keçmiş səfirinin fəaliyyətini araşdırır













