Hesablama Palatası: "Büdcə sistemi haqqında" qanuna yenidən baxılmalıdır
"Büdcə sistemi haqqında" qanun" daha çox dövlət büdcəsi ilə bağlı ümumi prosedurları müəyyən edir, Ümumən dövlət sektorunun maliyyəsi və onun idarə edilməsi təfəkkürünü özündə tam ifadə etmir.
"Far.Az" xəbər verir ki, bunu Hesablama Palatasının sədri Vüqar Gülməmmədov Milli Məclisin növbədənkənar sessiyasının bu gün keçirilən iclasında - "2025-ci il dövlət büdcəsinin icrası haqqında" qanunun layihəsinin müzakirəsi zamanı bildirib.
"Hesab edirik ki, dövlət sektorunun aktiv və öhdəliklərinin konsolidə edilmiş hesabatlılığı, vergi stimullarının təhlili və onların büdcəyə təsiri, iqtisadiyyatın sahələrinin büdcə gəlirlərinə təsirinin qiymətləndirilməsi ilə bağlı məlumatların qanunda təsbit edilməsi, bəzilərinin büdcə sənədləşməsinə daxil edilməsi faydalı ola bilər", - deyə o qeyd edib.
Bundan başqa, sədr deyib ki, parafiskal ödənişləri (təkrar emal haqları, pullu yollar, üzvlük haqları və s.) toplayan təşkilatlar onlardan istifadə haqqında hesabat təqdim etməlidirlər: "Dövlət qurumları bu vəsaitlərin səmərəliliyini təhlil və mümkün büdcənin yenidən bölüşdürülməsi ilə bağlı qərarlar qəbul edə bilər. Bu dəyişikliklər bir tərəfdən hesabatlılıq və şəffaflığı, digər tərəfdən isə büdcədə proqnozlaşdırılma institutunun etibarlılığını artırmış olardı".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycanda büdcə qaydası dəyişib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycanda büdcə qaydası dəyişir
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
AzTV-də yeni dövr başlayır: Televiziyada nələr dəyişəcək?
-
Tramp İranla münaqişənin tezliklə həll olunacağına ümid edir
-
FTB ABŞ-nin Yunanıstandakı keçmiş səfirinin fəaliyyətini araşdırır













