Gələcəkdə qan xidmətinin icbari tibbi sığorta ilə qarşılanması planlaşdırılır.

"Report" xəbər verir ki, bunu Səhiyyə Nazirliyi Respublika Qan Bankının icraçı direktoru Elxan Nağıyev Ümumdünya Qan Donoru Gününə həsr olunmuş tədbirdə deyib.

O bildirib ki, hazırda bu istiqamətdə maliyyələşmə Dövlət Proqramı çərçivəsində həyata keçirilir: "Lakin gələcəkdə qan xidmətinin daha sivil formada təşkili, daha geniş maddi-texniki bazanın yaradılması və inkişaf etdirilməsi istiqamətində işlər görülür.

Avropa ölkələrində, ABŞ və digər inkişaf etmiş ölkələrdə olduğu kimi, bu sahənin maliyyələşdirilməsinin icbari tibbi sığorta hesabına həyata keçirilməsi nəzərdə tutulan perspektiv istiqamətlərdən biridir. Hazırda tibbi xidmətlər, məsələn, hər hansı əməliyyat icbari tibbi sığorta tərəfindən qarşılanır. Həmin əməliyyatın tərkib hissələrindən biri də qan və qan komponentləridir. Gələcəkdə bu komponentlərin də icbari tibbi sığorta vəsaiti hesabına ödənilməsi planlaşdırılır".

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Ümumdünya Əməyin Mühafizəsi Gününə həsr olunmuş konfrans keçirilib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Buxarestdə Azərbaycanın Müstəqillik Gününə həsr olunmuş tədbir keçirilib