Rəsmi Ankara: Avropa Parlamentinin Türkiyə ilə bağlı hesabatını sərt şəkildə rədd edirik
Rəsmi Ankara Avropa Parlamentinin (AP) Türkiyə ilə bağlı hesabatının ideoloji yanaşmalarla və təhrif edilmiş məlumatlarla hazırlandığı və onu rədd etdiyini bildirib.
"Report" xəbər verir ki, bu barədə Türkiyə Prezidenti Administrasiyasının Kommunikasiya İdarəsinin rəhbəri Burhanettin Duran "X" sosial şəbəkə hesabında paylaşım edib.
"Hesabatda yer alan Kiprə dair əsassız və ədalətsiz qiymətləndirmələr, Yunanıstanın maksimalist tələblərinə verilən dəstək və Kipr məsələsindəki qərəzli mövqe hesabatın nə dərəcədə tərəfli hazırlandığını açıq şəkildə göstərir", - o yazıb.
B. Duranın fikrincə, sözügedən hesabat konstruktiv dialoqa deyil, bölünməyə xidmət edir:
"Türkiyə-Avropa İttifaqı münasibətlərinin ortaq maraqlar zəminində irəliləməsinə töhfə verməsi gözlənilən dairələrin qərəzlər əvəzinə, reallıqları, siyasi təhriklər əvəzinə, ədaləti əsas götürən konstruktiv yanaşma nümayiş etdirməsi ən doğru yol olacaq".
Qeyd edək ki, AP tərəfindən 2025-ci il üçün Türkiyə hesabatı qəbul edilib. Hesabatda Türkiyənin Avropa İttifaqına (Aİ) üzvlük prosesinə mənfi təsir göstərən əsas çatışmazlıqları hələ də aradan qaldırmadığı vurğulanıb. AP həmçinin Ankaranı Yunanıstan və Kipr kimi Aİ-yə üzv dövlətlərin suveren hüquqlarını pozmaqda ittiham edib.
Türkiyə Xarici İşlər Nazirliyi (XİN) sözgedən hesabatla bağlı bəyanat yayaraq onun qərəzli olduğunu diqqətə çatdırıb və Aİ-Türkiyə münasibətlərinin müsbət irəliləyişini əngəlləmək məqsədi daşıdığı vurğulanıb.
"AP-dən gözləntimiz odur ki, qlobal çağırışların artdığı indiki şəraitdə namizəd ölkə Türkiyə ilə Aİ arasındakı münasibətlərin ortaq maraqlar əsasında, konstruktiv müstəvidə inkişaf etdirilməsinə töhfə verəcək yanaşma nümayiş etdirsin", - XİN-in bəyanatında qeyd edilib.
Oxşar xəbərlər
Çörək məhsullarının hazırlandığı un məmulatları sexindən FOTOREPORTAJ
Anar Ələkbərov "44" bədii filminin çəkilişlərinin başa çatması barədə paylaşım edib
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Paşinyan: Ümumi istifadədə olan çaylardan birgə yararlanmaq qaydalarının Azərbaycanla müzakirəsi vacibdir
-
Almaniyada məlumat sızıntısına görə "Deutsche Bank" barəsində araşdırma başladılıb













