Oman "ağıllı idarəetmə"yə keçid zamanı insan ləyaqətinin qorunmasına çağırış edib
Süni intellektin tətbiqi və rəqəmsal texnologiyaların inkişafı insan ləyaqətinin qorunması ilə müşayiət olunmalıdır.
"Report" xəbər verir ki, bunu Omanın İnsan Hüquqları üzrə Milli Komissiyasının sədri Rəşid Əl Baluşi Ombudsmanların Beynəlxalq Bakı Sammiti çərçivəsində keçirilən panel sessiyada çıxışı zamanı deyib.
Onun sözlərinə görə, süni intellekt sultanlıqda insan hüquqlarının təşviqi və müdafiəsində, xüsusən də səhiyyə və təhsil sahələrində artıq mühüm rol oynayır:
"Oman Sultanlığı texnologiyaları cəmiyyətin inkişafı aləti kimi qiymətləndirir. Biz iki hüquqa - sağlamlıq hüququna və təhsil hüququna xüsusi diqqət yetiririk. Süni intellekt xəstəliklərin diaqnostikasında, həmçinin məlumatların yayılmasında və insan hüquqları haqqında məlumatlılığın artırılmasında bizə kömək edir".
O qeyd edib ki, İnsan Hüquqları üzrə Milli Komissiyanın əsas vəzifələrindən biri müasir texnologiyalara bərabər çıxışın təmin edilməsidir:
"Məqsədimiz texnologiyaları əhalinin bütün kateqoriyaları, xüsusən də əlilliyi olan şəxslər, uşaqlar və yaşlılar üçün əlçatan etməkdir".
Əl Baluşi əlavə edib ki, "ağıllı idarəetmə" konsepsiyasına keçid insan ləyaqəti prinsipinə şərtsiz riayət olunmaqla həyata keçirilməlidir:
"Əminik ki, "ağıllı idarəetmə"yə keçid insan ləyaqətinin əsas prioritet kimi qorunmasını tələb edir. Bu, texnologiyalardan istifadə çərçivəsini müəyyən edən Əsas Qanunumuza tam uyğundur".
Oxşar xəbərlər
Mehriban Əliyeva BMT Baş Assambleyası çərçivəsində xüsusi sessiyada iştirak edib
Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib
Uşaqların zərərli informasiyadan qorunmasına yönəlmiş normativ hüquqi akt layihəsi müzakirə olunub
AFFA-da "Futbolda Uşaqların Hüquqlarının Qorunması" mövzusunda seminar təşkil olunub
"Süni intellektin mediada tətbiqi" mövzusunda seminarlara başlanılıb
Ən son xəbərləri bizim
"Facebook" səhifəmizdə izləyin
Digər xəbərlər
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
AzTV-də yeni dövr başlayır: Televiziyada nələr dəyişəcək?
-
FTB ABŞ-nin Yunanıstandakı keçmiş səfirinin fəaliyyətini araşdırır
-
Tramp İranla münaqişənin tezliklə həll olunacağına ümid edir
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













