Şəkidə "Səyyar Gənclər Xidməti" layihəsinin açılışı olub
Far.Az xəbər saytı

Şəkidə "Səyyar Gənclər Xidməti" layihəsinin açılışı olub


Gənclər Fondunun dəstəyi ilə həyata keçirilən "Səyyar Gənclər Xidməti" layihəsinin 2026-cı il üzrə ilk dayanacağı Şəki şəhəri olub.

"Report" xəbər verir ki, 2019-cu ildən etibarən reallaşdırılan layihə Gənclər Fondunun yaradılmasının 15 illiyinə həsr olunub və "Gənclərlə, gənclər üçün" şüarı altında keçirilir.

Layihənin məqsədi yaradılan imkan və xidmətlərin, xüsusilə məşğulluq, innovasiya və rəqəmsallaşma sahələrində həyata keçirilən təşəbbüslərin regionlarda yaşayan gənclər üçün əlçatanlığının artırılmasıdır.

Layihə çərçivəsində xüsusi hazırlanmış açıq hava məkanında dövlət qurumları və özəl sektor nümayəndələri ilə görüşlər, təhsil və karyera imkanları, rəqəmsal bacarıqlar, vətənpərvərlik, sağlam həyat tərzi və yaradıcılığın inkişafı istiqamətində maarifləndirici sessiyalar təşkil olunub.

"Səyyar Gənclər Xidməti" layihəsi Şəkidə iyunun 27-dək davam edəcək.

Qeyd edək ki, Gənclər Fondunun dəstəyi, Gənclərin İnkişaf və Karyera Mərkəzi və "Gənc Könüllülər" İctimai Birliyinin birgə təşkilatçılığı ilə həyata keçirilən layihə bu il Şəki, Oğuz, Qəbələ, İsmayıllı, Ağsu, Şamaxı, Qobustan, Xızı, Lənkəran, Astara, Lerik, Yardımlı, Salyan, Kürdəmir, Ucar, Zərdab, Ağcabədi, Laçın, Zəngilan və Füzuli rayonlarından olan 8 mindən çox gənci əhatə edəcək.

Oxşar xəbərlər

WUF13 yüksəksəviyyəli sessiyalar və rekord sayda iştirakçı ilə uğurla başa çatıb
Bakıda Zəfər muzeyinin açılışı olub
Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib
Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər
Vətən müharibəsində Qələbənin beşinci ildönümünə həsr olunmuş Hərbi parad keçirilib

Ən son xəbərləri bizim

"Facebook" səhifəmizdə izləyin

Digər xəbərlər