Şuşa sakini: Yurdumuza qayıtmağa çox sevinirik
Far.Az xəbər saytı

Şuşa sakini: Yurdumuza qayıtmağa çox sevinirik


Yurdumuza qayıtmağa çox sevinirik.

Bu sözləri "Report"a Şuşanın Böyük Qaladərəsi kəndinin sakini, keçmiş məcburi köçkün Səyyarə Xanəliyeva deyib.

O, bildirib ki, həyatının ən gözəl günlərindən birini yaşayır: "Şuşanı həyat yoldaşım, dörd övladımla tərk etməyə məcbur olmuşdum. Böyük Qaladərəsi kəndini tərk edəndə ortancıl oğlum Zaurun 5 yaşı vardı. İndi öz ailəsi ilə yurdumuza yola düşür.

Fəxr edirik. Övladlarım qürur hissi keçirirlər. Hökumətimiz sağ olsun ki, bizə bu sevinci bəxş etdi, hərtərəfli şərait yaratdı. Sevincimizin hüdudu yoxdur.

Ordumuzla fəxr edirik. Allah şəhidlərimizə rəhmət eləsin. Biz də şəhid ailəsiyik, atam müharibədə şəhid olub. Allah bütün qazilərimizə can sağlığı versin".

Qeyd edək ki, bu gün Şuşa, Xankəndi, Xocavənd, Cəbrayıl, Xocalı və Ağdərəyə növbəti köç karvanları yola salınacaq. Bu mərhələdə Kərkicahan qəsəbəsinə 8 ailə - 34 nəfər, Hadrut qəsəbəsinə 4 ailə - 15 nəfər, Şükürbəyliyə 7 ailə - 28 nəfər, Böyük Qaladərəsinə 3 ailə - 14 nəfər, Ballıcaya 2 ailə - 7 nəfər, Badaraya 2 ailə - 5 nəfər, Xanabada 2 ailə - 5 nəfər, Həsənrizə 13 ailə - 53 nəfər, Çıldırana 13 ailə - 53 nəfər, Vəngliyə isə 4 ailə - 23 nəfər köçürüləcək.

Oxşar xəbərlər

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb
İlham Əliyev Xocavənd şəhər və Xocavənd kənd sakinləri ilə görüşüb
Növbəti köç karvanları Ağdam və Xocavənd şəhərlərinə çatıb, açarlar təqdim edilib
İlham Əliyev Cəbrayılın Horovlu kəndinin birinci mərhələsinin açılışında iştirak edib
Yurdumuza bahar gəlir!

Ən son xəbərləri bizim

"Facebook" səhifəmizdə izləyin

Digər xəbərlər