Yeni qanunvericilik uşaqların zərərli məzmundan qorunmasına töhfə verəcək - SORĞU
Uşaqların sosial şəbəkələrdən istifadəsi son dövrlərdə cəmiyyətdə ən çox müzakirə olunan mövzulardan biridir.
Mütəxəssislər erkən yaşlarda nəzarətsiz sosial media istifadəsinin uşaqların psixoloji inkişafına, davranışına və sosial münasibətlərinə mənfi təsir göstərə biləcəyini bildirirlər. Elə bu məqsədlə Azərbaycanda da qanunvericilikdə dəyişikliklər edilməsi üçün müəyyən addımların atılması nəzərdə tutulub.
Yeni qaydalara əsasən, yaş məhdudiyyəti tətbiq edilən sosial şəbəkə platformalarında 16 yaşı tamam olmamış şəxslərin fərdi hesab yaratmasına icazə verilməyəcək. 16-18 yaşlı istifadəçilər üçün isə valideynin və ya qanuni nümayəndənin razılığı tələb olunacaq.
"Far.Az"un sorğusuna əsasən məhdudiyyətin tətbiqi uşaqların inkişafına, düzgün böyüdülməsinə olduqca müsbət təsir göstərəcək.
Sorğu iştirakçılarının əksəriyyəti sosial şəbəkələrin uşaqlar üçün zərərli olduğunu düşünür. Onların sözlərinə görə, uşaqlar artıq həyət oyunlarından uzaqlaşır, daha çox telefon və planşet qarşısında vaxt keçirir, bu isə həm fiziki aktivliyə, həm də davranışlarına mənfi təsir göstərir. Bəzi sakinlər sosial şəbəkələrin uşaqları aqressivləşdirdiyini də qeyd ediblər.
Valideynlərin bir qismi övladlarına sosial şəbəkələrdən yalnız nəzarət altında istifadə etməyə icazə verdiklərini desə də, digərləri müasir dövrdə buna tam nəzarət etməyin mümkün olmadığını bildiriblər.
Hətta sorğu iştirakçılarından biri nəvəsinə cəmi 3 yaşında telefon verildiyini deyərək, texnologiyanın artıq çox erkən yaşlardan uşaqların həyatının ayrılmaz hissəsinə çevrildiyini vurğulayıb.
Beləliklə, sorğu göstərir ki, uşaqların sosial şəbəkələrdən istifadəsi ilə bağlı cəmiyyətdə narahatlıq böyükdür. Sakinlər valideyn nəzarətinin vacibliyini vurğulasa da, texnologiyanın həyatın ayrılmaz hissəsinə çevrildiyi bir dövrdə bunun hər zaman mümkün olmadığını bildirirlər.
Bu baxımdan, 16 yaşadək uşaqların sosial şəbəkələrdə hesab açmasına məhdudiyyət nəzərdə tutan yeni qanunvericilik dəyişikliklərinin onların zərərli məzmundan qorunmasına, rəqəmsal təhlükəsizliyinin gücləndirilməsinə və valideyn nəzarətinin daha effektiv həyata keçirilməsinə töhfə verəcəyi gözlənilir.
Oxşar xəbərlər
Uşaqların zərərli informasiyadan qorunmasına yönəlmiş normativ hüquqi akt layihəsi müzakirə olunub
Həyatda yaxşı şeyləri niyə görmürük? - Tanınmış simaların FİKİRLƏRİ
İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
Azərbaycanlı məşhurlar övladlarını sosial şəbəkələrdən necə qoruyurlar?
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
"Bakcell" gənclər üçün növbəti süni intellekt hakatonunu keçirib
-
CNN: İran Vaşinqtonda Tramp administrasiyası rəsmilərinə hücumlar hazırlayır
-
Lənkəranda qaz xətti zədələnib, bir sıra kəndlər qazsız qalıb
-
"Sədərək" bazarında səssizlik: Alıcıları hara üz tutublar?













