“Mirvari” gəmisi yenidən fəaliyyətə başlayıb
Far.Az xəbər saytı

“Mirvari” gəmisi yenidən fəaliyyətə başlayıb


İkiillik fasilədən sonra “Mirvari” gəmisi yenidən fəaliyyətini bərpa edib və qiymətlər əvvəlki səviyyədə saxlanılıb.

"Report" xəbər verir ki, bu barədə Dənizkənarı Bulvar İdarəsinin mətbuat xidmətinin rəhbəri Əfsanə Mehdiyeva jurnalistlərə açıqlamasında deyib.

Ə.Mehdiyeva bildirib ki, Bakı bulvarında 2022-ci ildən dəniz səviyyəsinin aşağı enməsi səbəbindən gəmi gəzintisinə fasilə verilib: “İlin əvvəlindən dənizin dərinliyi ölçülüb və nəticədə gəminin təhlükəsiz hərəkəti üçün yeni marşrut müəyyən edilib. Əvvəlki marşrut “Sadko” körpüsündən keçirdisə, indi gəmi Dəniz Vağzalının qarşısındakı körpüdən hərəkət edəcək. Bu ərazidəki dərinlik gəminin rahat və təhlükəsiz hərəkəti üçün əlverişlidir”.

Onun sözlərinə görə, gəmi xidmətinin yenidən başlanması ilə bağlı insanların marağını nəzərə alaraq və istismar xərclərinin artmasına baxmayaraq, Dənizkənarı Bulvar İdarəsi bilet qiymətlərini dəyişməyib: "Qiymətlər gəmidə yerinə və mərtəbəsinə görə 5-10 manat arasında dəyişir. Bu tariflər 2015-ci ildə müəyyənləşdirilib. Gəminin təhlükəsizliyi Su Nəqliyyatında Polis İdarəsi və Dənizkənarı Bulvar İdarəsinin mühafizə xidməti tərəfindən təmin edilir".

Foto: Ehtiram Cəbiyev

Oxşar xəbərlər

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Qoşa Qala Qapılarının qarşısındakı meydanda əsaslı dəyişikliklər gözlənilir - MÜSAHİBƏ
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər