Prezident İlham Əliyev moldovalı həmkarını təbrik edib
Far.Az xəbər saytı

Prezident İlham Əliyev moldovalı həmkarını təbrik edib


Azərbaycan Prezidenti İlham Əliyev Moldova Prezidenti Maya Sanduya təbrik məktubu göndərib.

"Report" xəbər verir ki, məktubda deyilir:

"Hörmətli xanım Prezident,

Moldova Respublikasının Prezidenti vəzifəsinə yenidən seçilməyiniz münasibətilə Sizi ürəkdən təbrik edirəm.

Azərbaycan-Moldova münasibətlərinin və əməkdaşlığının bugünkü inkişaf dinamikası məmnunluq doğurur. Biz qarşılıqlı hörmət və etimad üzərində qurulmuş dövlətlərarası əlaqələrimizin hərtərəfli inkişafına xüsusi əhəmiyyət veririk.

Əminəm ki, xalqlarımızın rifahı naminə Azərbaycan ilə Moldova arasında ənənəvi dostluq münasibətlərinin daha da genişləndirilməsi, bir sıra sahələrdə qarşılıqlı maraq doğuran əməkdaşlığımızın konstruktivlik zəminində bundan sonra da müvəffəqiyyətlə davam etdirilməsi yolunda birgə səylər göstərəcəyik.

Sizə möhkəm cansağlığı, xoşbəxtlik, dost Moldova xalqının firavanlığı naminə ali dövləti fəaliyyətinizdə uğurlar arzulayıram".

Oxşar xəbərlər

Azərbaycan Prezidenti Maya Sanduya təbrik məktubu göndərib
Moldovada prezident seçkiləri siyasi gərginliklə müşahidə olunur
Moldovada prezident seçkiləri: Maya Sandu qələbə qazanıb - YENİLƏNİB 2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Maya Sandu 55,33 faiz səslə qalib gəlib - YENİLƏNİB

Ən son xəbərləri bizim

"Facebook" səhifəmizdə izləyin

Digər xəbərlər