Bolqarıstanın Plovdiv şəhərində yerli "Botev" futbol klubunun prezidenti İliyan Filipov qətlə yetirilib.

Far.Az xəbər verir ki, bu barədə Bolqarıstanın "Nova" telekanalı məlumat yayıb.

Hadisə biznesmenin yaşadığı evin yaxınlığında baş verib.

Məlumata əsasən, naməlum şəxs Filipova yaxınlaşaraq onun baş nahiyəsinə bir dəfə atəş açıb. Klub rəhbəri aldığı güllə yarasından həyatını itirib.

Hazırda polis cinayəti törətməkdə şübhəli bilinən şəxsin axtarışını davam etdirir. Hüquq-mühafizə orqanları həmçinin hadisənin şahidlərini müəyyənləşdirməyə çalışır.

Polis Plovdiv şəhərindən çıxış yollarında postlar qurub. Ərazidən çıxan şübhəli avtomobillər saxlanılaraq ətraflı yoxlanılır.

İliyan Filipov ötən ilin iyun ayında "Botev" klubunun prezidenti təyin olunub. O, eyni zamanda tikinti və nəqliyyat şirkətlərinin sahibi olub.

"Botev" Bolqarıstanın yüksək liqasında mübarizə aparır. Komanda çempionatın 10 turundan sonra turnir cədvəlində 9-cu pillədə qərarlaşıb.

Oxşar xəbərlər

İlham Əliyev Səməd Vurğun adına Yaradıcılıq Evinin açılışında iştirak edib

HUAWEI nova 13 və HUAWEI nova 13i - Öz Üslubunu Yarat

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyev Şuşada "Sadıqcanın evi"nin bərpadan sonra açılışında iştirak edib