"Isaias" qasırğası nəticəsində ABŞ-nin cənub-şərqindəki Florida və Alabamada azı iki nəfər həlak olub.

"Report" xəbər verir ki, bu barədə yerli hakimiyyət orqanlarına istinadən "The New York Times" (NYT) məlumat yayıb.

Məlumata görə, Floridanın Eskambiya dairəsində ağacın evinin üzərinə aşması nəticəsində bir qadın həlak olub. Daha bir nəfər isə Alabamanın Cefferson dairəsində ağac aşmasının qurbanına çevrilib.

Qasırğa cümə günü axşam saatlarında Floridanın Destin şəhəri yaxınlığında quruya çıxıb. O, şimal-qərb istiqamətində təxminən 17 km/saat sürətlə hərəkətini davam etdirir.

Meteoroloqların proqnozlarına görə, şənbə günü ərzində qasırğa tədricən zəifləyəcək, bazar gününə doğru isə dağılacaq.

Daha əvvəl ABŞ-nin Energetika Nazirliyi xəbərdarlıq edib ki, "Isaias" ölkədə neft və qaz hasilatını, eləcə də neft emalı zavodlarının işini ciddi şəkildə poza bilər.

Oxşar xəbərlər

Kəsilmiş ağacın əvəzinə yeni ağac əkilib və üzərinə identifikasiya etiketi vurulub

Şəhidlər xiyabanına xalq ziyarəti axşam saatlarında da davam edir

Bakıda güclü külək 78 ağacı aşırdı, 40 ağacın budaqları qırıldı

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3