Azərbaycana indiyədək 500-dən çox ukraynalı uşaq gətirilib, onların sosial və tibbi reabilitasiyası həyata keçirilib.

"Report" xəbər verir ki, bunu Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin İdarə Heyəti sədrinin müavini Pərviz Səfərov jurnalistlərə açıqlamasında deyib.

O bildirib ki, ukraynalı uşaqların Azərbaycana gətirilməsində əsas məqsəd onların burada olduqları müddətdə sosial və tibbi reabilitasiyasını təmin etməkdir:

"Uşaqlar 10 gün ərzində Qəbələ Uşaq Reabilitasiya Mərkəzində qalacaq, onlar üçün fərdi və qrup şəklində psixoloji konsultasiyalar, art-terapiya və digər zəruri sosial reabilitasiya tədbirləri təşkil olunacaq".

Bundan əlavə, uşaqlar tibbi reabilitasiya çərçivəsində müxtəlif xidmətlərdən, o cümlədən müalicəvi vanna və hovuz imkanlarından yararlanacaqlar.

Agentlik rəsmisi qeyd edib ki, proqramın məqsədi Ukraynada mövcud vəziyyətin uşaqlara təsirlərinin aradan qaldırılmasına dəstək göstərmək və onların sosial reabilitasiyasını təmin etməkdir.

O əlavə edib ki, uşaqların asudə vaxtlarının səmərəli təşkili üçün Qəbələ ilə yanaşı, Şəki və Şamaxı şəhərlərinə də səfərlər nəzərdə tutulub. Səfərlər çərçivəsində onlar muzeylərə, mədəniyyət və istirahət məkanlarına baş çəkəcəklər.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

DTA tabeliyindəki qoruq və müəssisələrdəki yeniliklər təqdim olunub

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib