İsrailin şimalında, Livanla sərhəd yaxınlığında yerləşən Ramim dağ silsiləsi ərazisində baş verən partlayış nəticəsində məktəblilər və müəllimlər daxil olmaqla 20-yə yaxın insan xəsarət alıb.

"Report" xəbər verir ki, bu barədə "Magen David Adom" (MDA) təcili yardım xidmətinin məlumatında deyilir.

Tibb işçilərinin məlumatına görə, xəsarət alanlardan birinin vəziyyəti kritikdir, iki nəfər ağır, daha üç nəfər isə orta ağır dərəcəli xəsarət alıb. Daha 15 yaralının vəziyyəti qənaətbəxşdir.

Müəyyən edilib ki, partlayış Peer müşahidə meydançasının yaxınlığında məktəb ekskursiyası zamanı baş verib. Partlayışa partlamamış sursatın detonasiyasının səbəb olduğu ehtimal olunur.

İsrail Müdafiə Ordusu partlayışın başvermə hallarının araşdırılmasına başladığını bildirib.

Oxşar xəbərlər

Nazir bu müəllimləri təltif edildi - ADLAR

Məktəblilər DSX-nin hərbi akademiyasını ziyarət edib

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

IDEA məktəblilər üçün Ekopark İnnovasiya Mərkəzinə ekskursiya təşkil edib