Rəqabət mühitində dövlət dəstəyi, sağlam himayəçilik siyasəti şirkətlərimizi arxayınlaşdırmaq əvəzinə, daha da məsuliyyətli olmağa sövq edir.

"Far.Az" xəbər verir ki, bunu Milli Məclisinin İqtisadi siyasət, sənaye və sahibkarlıq komitəsinin sədri, deputat Azər Əmiraslanov Bakıda keçirilən III Milli Rəqabət Forumunda bildirib.

Onun sözlərinə görə, rəqabət mühiti nə bir dövlət qurumunun fəaliyyəti ilə, nə də konkret bir məcəllə və hansısa bir tədbirlə formalaşmır: "Baxmayaraq ki, hüquqi baza da yaradılıb, institutsional çərçivə də formalaşdırılıb. Belə bir mühit çoxşaxəli, sistem xarakterli fəaliyyətin nəticəsində yaradıla bilər".

Deputat xatırladıb ki, "Rəqabətin inkişafına və inhisarçılıq fəaliyyətinin qarşısının alınmasına dair 2027–2029-cu illər üzrə Milli Fəaliyyət Planı"nın təsdiqi də məhz bu amillə bağlıdır: "Dünya iqtisadiyyatında vahid oyun qaydalarının pozulduğu, ticarət məhdudiyyətlərinin və aqressiv proteksionizmin, sanksiyaların tətbiq edildiyi bir vaxtda Azərbaycan öz tərəfdaşları ilə qarşılıqlı faydaya əsaslanan, ədalətli ticarət və investisiya rejimi müəyyən edir, rəqabət məcəlləsini, Milli Fəaliyyət Planını qəbul edir, institutsional məsələləri həll edir".

A.Əmiraslanov əlavə edib ki, bazar iqtisadiyyatı şəraitində necə gəldi rəqabət aparmaq olmaz və bu qaydasız döyüşü xatırlatmamalıdır: "Rəqabət ədalətli və reqlamentli olmalıdır. Rəqabət Məcəlləsinin qəbul edilməsi də məhz bu məqsədə xidmət edir. Rəqabətin hüquqi bazasının təkmilləşdirilməsi davamlı proses olmalıdır. Qanunverici orqan olaraq bizim üzərimizə də mühüm vəzifələr düşür".

Oxşar xəbərlər

Ət əvəzinə hamı balıq alır - Bazarda SON QİYMƏTLƏR

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanın yeni sənaye modelinin konturları - TƏHLİL

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3