Bəzi satıcılar qozun daha təzə və nəm görünməsi, eləcə də çəkisinin artması üçün onu suya salırlar. Lakin bu üsul məhsulun keyfiyyətini aşağı salmaqla yanaşı, insan sağlamlığı üçün də təhlükə yarada bilər.

BAKU.WS Baku TV-yə istinadən xəbər verir ki, təbii yaş qoz həm dadı, həm də faydalı xüsusiyyətləri ilə seçilir. Lakin süni şəkildə nəmləndirilmiş qozun saxlanma müddəti qısalır. Yüksək rütubət isə maya və kif göbələklərinin inkişafına şərait yaradır.

"Qoz alırsan, evə gətirirsən, görürsən ki, içərisindən kiflənmiş qoz çıxır. Deməli, nəm yerdə saxlanılıb və ya qəsdən suya salınıb", - alıcılardan biri deyib.

"Alarkən hiss edirdim ki, qoz yaşdır. Çəkisinə təsir etdiyini də başa düşürdüm", - digər alıcı qeyd edib.

Qax rayonunun sakinləri bildirirlər ki, bu il qoz ağaclarında məhsuldarlıq aşağı olub. Bununla belə, keyfiyyətli, təbii yaş qozu süni şəkildə nəmləndirilmiş məhsuldan fərqləndirməyin yolları var.

Mütəxəssislərin sözlərinə görə, qozun həddindən artıq nəmləndirilməsi onun keyfiyyətinə mənfi təsir göstərir. Məhsul vaxtında qurudulmadıqda, xüsusilə kisələrdə və havasız mühitdə saxlanıldıqda, kiflənmə riski artır.

Mövzu ilə bağlı Mikrobiologiya İnstitutunun baş direktoru Pənah Muradov bildirib ki, suda saxlanılan qozda müxtəlif mikroorqanizmlər, o cümlədən maya və kif göbələkləri inkişaf edə bilər.

"Bu mikroorqanizmlər məhsulun qida dəyərini azaltmaqla yanaşı, bəzi hallarda insan sağlamlığı üçün təhlükəli maddələrin yaranmasına da səbəb olur. Kif göbələklərinin müəyyən növləri toksik və kanserogen təsirə malik mikotoksinlər əmələ gətirə bilər", - deyə o bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Sizin üçün gətirdik — Əfsanəvi Popeyes® dadı artıq Bakıda

Müştərilərə bazarda "yaş" adı ilə suya salınmış qoz satılır?

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib