Hindistanın Madhya-Pradeş ştatında yük maşınının zəvvarların üzərinə çırpılması nəticəsində 15 nəfər həyatını itirib.

"Far.Az"un məlumatına görə, bu barədə yerli NDTV telekanalı polisə istinadən xəbər verib.

Sürücü eniş zamanı idarəetməni itirib. Çoxtonnajlı yük maşını bir neçə maneəni dağıdaraq insanların üzərinə aşıb. Hadisənin şahidi jurnalistlərə bildirib ki, avtomobilin əyləcləri sıradan çıxıb.

Polisin məlumatına görə, 50-dən çox insan yük maşınının təkərləri və kuzovu altında qalıb.

Sürücü və yük maşınının sahibi saxlanılıb. Məlum olub ki, karvanda iki yük maşını hərəkət edib. Sürücülər yolu tanımadıqları üçün "Google Maps" vasitəsilə istiqamət tapıblar. Birinci yük maşını yamacda dayanıb, ikinci maşın isə idarəetmədən çıxaraq aşağıya doğru hərəkət edib.

11:57

Hindistanın Madhya-Pradeş ştatının Qvalior şəhərində yük maşınının zəvvar qrupuna çırpılması nəticəsində azı 13 nəfər həlak olub, 40 nəfər isə xəsarət alıb.

"Far.Az" xəbər verir ki, bu barədə "Press Trust of India" agentliyinə yerli polisin rəisi Dharmvir Sinqh bildirib.

Qəza bazar gününə keçən gecə baş verib.

Polisin məlumatına görə, yük maşınının sürücüsü idarəetməni itirib, nəticədə avtomobil yol kənarındakı insanların üzərinə çıxıb, daha sonra isə məbədin divarına çırpılıb.

Xəsarət alanlardan bir neçəsinin vəziyyəti kritik olaraq qiymətləndirilir.

Qəzanın başvermə səbəbi araşdırılır.

Oxşar xəbərlər

Prezident Ərəb Koordinasiya Qrupuna üzv qurumların rəhbər şəxslərini qəbul edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN