İngiltərənin "Mançester Siti" klubunu böyük xal cəzası səbəbindən Premyer Liqadan aşağı liqaya düşmək təhlükəsi gözləyir.

Far.Az xəbər verir ki, bu barədə "Daily Mail" nəşrinin baş idman şərhçisi Oliver Holt məlumat yayıb.

Məlumata görə, İngiltərə Premyer Liqasının rəhbərliyi klubla bağlı yekun cəza qərarının apellyasiya prosesinin başa çatmasını gözləmədən açıqlanmasına nail olmaq istəyir. "Mançester Siti"nin apellyasiya şikayəti üzrə qərarın isə yanvarın sonundan tez verilməsi gözlənilmir.

Mənbələrin iddiasına görə, klubdan silinəcək xalların sayı o qədər çox ola bilər ki, bu, komandanın aşağı liqaya düşməsini qaçılmaz etsin. Hətta "Siti" Çempionşipdə çıxış edəcəyi növbəti mövsümdə də əlavə xal cəzası ilə üzləşə bilər.

Bununla belə, klubun İngiltərə futbolunun dördüncü divizionu olan Liqa 2-yə göndəriləcəyi barədə yayılan məlumatlar təkzib edilib. Bildirilir ki, mümkün sanksiya komandanın Çempionşipə düşməsi ilə məhdudlaşa bilər.

Xatırladaq ki, oktyabrın əvvəlində müstəqil komissiya "Mançester Siti"ni 2009-2018-ci illəri əhatə edən dövrdə maliyyə qaydalarının pozulması ilə bağlı irəli sürülmüş 115 ittihamdan 114-ü üzrə təqsirli bilib.

Qeyd edək ki, klubun üzləşə biləcəyi xal cəzası və Premyer Liqadan düşməsi ilə bağlı məlumatlar hələlik mediada yayılan iddialardır.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Nazirlik sel təhlükəsi zamanı qorunmağın yollarını göstərdi