Rusiyanın Sankt-Peterburq şəhərində beş xəstədə meymunçiçəyi virusu aşkarlanıb.

BAKU.WS Oxu.Az-a istinadən xəbər verir ki, bu barədə Botkin adına Klinik İnfeksion Xəstəxanasının mətbuat xidmətindən məlumat verilib.

"Diaqnoz təsdiqlənib. Xəstələr müalicələrini davam etdirirlər, vəziyyətləri stabildir, xəstəliyin gedişi orta və yüngül ağırlıqdadır", - deyə məlumatda bildirilib.

Qeyd edək ki, oktyabrın 15-də Rusiya İstehlakçı Hüquqlarının Müdafiəsi və İnsan Rifahına Nəzarət üzrə Federal Xidməti Moskva vilayətində mümkün meymunçiçəyi xəstəliyi halı barədə məlumat aldıqdan sonra sanitar-epidemioloji araşdırmaya başlayıb. Qurum ehtimal olunan xəstə və mümkün yoluxma şəraiti barədə məlumat verməyib.

Meymunçiçəyi (Mpox), əsasən, Mərkəzi və Qərbi Afrikada tropik meşələrin yaxınlığında yerləşən ucqar ərazilərdə yayılan virus xəstəliyidir. Xəstəliyin heyvandan insana ilk yoluxma halı 1970-ci ildə Konqo Demokratik Respublikası ərazisində qeydə alınıb.

Oxşar xəbərlər

Meymunçiçəyi virusu nədir, necə yayılır, COVID kimi pandemiyaya səbəb ola bilərmi?

Azərbaycan məktəblərində 263 müəssisədə sanitar pozuntu aşkarlanıb

Nazir bu müəllimləri təltif edildi - ADLAR

DİM yeddi imtahan keçirib, doqquz nəfərdə telefon aşkarlanıb

Ucarda bazarda ciddi nöqsanlar aşkarlandı, rəhbəri cəzalandırıldı