Türkiyənin məşhur "MasterChef Türkiye" yarışmasının çəkilişləri studiyanı su basması səbəbindən müvəqqəti dayandırılıb.

BAKU.WS xəbər verir ki, İstanbulda yağan güclü yağış nəticəsində yarışmanın çəkildiyi studiyada su basması baş verib. Bu səbəbdən çəkiliş meydançasına və texniki avadanlıqlara ziyan dəyib.

Hadisə ilə əlaqədar çəkilişlərə müvəqqəti fasilə verilib. Əvvəlcədən çəkilmiş bölümlərin ehtiyatı tükəndiyindən oktyabrın 23-də tamaşaçılara yeni bölüm əvəzinə təkrar bölüm təqdim olunub.

Hazırda studiyada təmizlik, texniki baxış və təmir işlərinin aparıldığı bildirilir. Çəkilişlərin nə vaxt bərpa olunacağı və yeni bölümlərin hansı tarixdə yayımlanacağı ilə bağlı dəqiq məlumat açıqlanmayıb.

Qeyd edək ki, təkrar bölümün yayımlanması sosial şəbəkələrdə yarışmanın başa çatması və ya final etməsi ilə bağlı müzakirələrə səbəb olub.

Oxşar xəbərlər

Anar Ələkbərov "44" bədii filminin çəkilişlərinin başa çatması barədə paylaşım edib

Bakıda yanğın təhlükəli sexlərin fəaliyyətini dayandırıldı

Bakıda avtomobil şinləri satılan anbarın fəaliyyəti dayandırıldı

Bakının mərkəzində əyləncə məkanının fəaliyyəti dayandırıldı

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib