İranla Rusiya kiçik nüvə reaktorlarının inşası protokolunu yekunlaşdırır.

"Far.Az" IRNA-ya istinadən xəbər verir ki, bu barədə məlumatı İranın Atom Enerjisi Təşkilatı (İAET) açıqlayıb.

"Kiçik modul reaktorlarının inşası üçün Rusiya ilə əməkdaşlıq davam edir və tikinti prosesini sürətləndirmək üçün Moskva ilə protokol imzalanacaq", - İAET-dən bildirilib.

Təşkilatın sözçüsü Bəhruz Kamalvəndi bildirib ki, ölkənin nüvə sənayesi inkişaf edib və hazırda nüvə elektrik stansiyalarının inşası sahəsində özünü təmin edəcək səviyyədədir: "Siyasi təzyiqlər İranın bəzi nüvə layihələrinin planlaşdırıldığı kimi irəliləməsinə mane olub və Əhvazda inşası davam edən Darxovin atom elektrik stansiyası (AES) son müharibə zamanı hədəf alınıb".

​Onun sözlərinə görə, Buşehr AES indiyədək təxminən 86 milyon ton çirkləndiricinin emissiyasının qarşısını alıb və 132 milyon barel neft istehlakına qənaət edib:

"Mövcud şəraitdə təmiz enerjinin inkişafına doğru irəliləməkdən başqa çarəmiz yoxdur və nüvə enerjisi bu baxımdan ən mühüm variantlardan biridir. Qlobal miqyasda da ölkələrin bu sektora üz tutduğunun şahidi oluruq", - sözçü bildirib.

Oxşar xəbərlər

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Şahzadə Diananın kral protokolunu pozduğu 13 MƏQAM

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3