ABŞ-nin Cənubi Karolina ştatında yerləşən nüvə kompleksində yanğın baş verib. Hadisə zamanı radioaktiv maddələrin ətraf mühitə sızması qeydə alınıb. Təhlükəsizlik tədbirləri çərçivəsində kompleksə giriş məhdudlaşdırılıb, yaxınlıqdakı nəqliyyatın hərəkətinə də müvəqqəti məhdudiyyətlər tətbiq edilib.

BAKU.WS xəbər verir ki, bu barədə "WRDW" telekanalı kompleksin administrasiyasına istinadən məlumat yayıb.

Yanğın ABŞ Energetika Nazirliyinin nəzdində fəaliyyət göstərən Savanna-River Milli Laboratoriyasının ərazisindəki otaqlardan birində baş verib. Məlumata görə, hadisə zamanı radioaktiv maddələrin yer səviyyəsində filtrlənmədən xaricə çıxması qeydə alınıb. Yanğının artıq söndürüldüyü bildirilib.

Kompleksin administrasiyası ilkin açıqlamasında ərazidən kənarda hər hansı fəsadın yarandığını göstərən əlamətlərin olmadığını qeyd edib. Bununla belə, hadisənin səbəbi hələlik açıqlanmayıb.

Fövqəladə vəziyyət rejimi yerli vaxtla oktyabrın 28-də saat 17:39-da elan edilib. Ehtiyat tədbiri olaraq kompleksə giriş bağlanıb, yaxınlıqdakı dəmir yolu, çay və hava nəqliyyatının hərəkəti məhdudlaşdırılıb.

Oxşar xəbərlər

Lökbatanda anbardakı yanğının söndürülməsinə 2 helikopter cəlb olunub - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib

ABŞ-də nüvə laboratoriyasında yanğın baş verib, radiasiya sızıntısı qeydə alınıb

ABŞ-nin nüvə laboratoriyasında yanğın radiasiya sızmasına səbəb olub